Dominkovits Péter: Második telekkönyv 1554-1580 (Sopron, 2015)
A telekkönyv
schermb vnd fürstanndt, für all rechtlich ansprach vnd khrieg, gegen christen vnnd juden nach stattprauch. Gemelter verckhauffer hatt auh angezaigtes hauß auff dem ratthauß, für frey ledig auff vnd übergeben. Actum den .2. January A[nn]o [etc]. [15]62ist[en], 190. (II.-145.) H[er]r Benedict Hasendorffer, Katharina vxor, haben für sich vnnd jere erb[en] nutz vnnd gwörr aines achtll weingart[en] auff den Stainer neb[en] des wegs, vnd an der and[er]n seitten neben Hanß Hamer Weingarten geleg[en] empfang[en], welchem sy von Valentin Praunschichl vnd Florian Khrägssner [?] vmb ain summa gelt erckhaufft, deren khaufsumma sy völligelich betzallt vnd benüegt worden, entgegen sein gemellte verckhauffer, anfangs genanter chonspersonen vnd derselben erben, für all rehtlich khrieg vnd ansprach, fueßzuhalten schuldig, auch sein sy jer reht gwörr v[n]d schermb, geg[en] christen vnd jud[e]n auh sonnst menigelih[en] nach stattprauch. Actum auff dem rathauß .20. January, A[nn]o [etc], [15]62ist[en] 191. (II.-146.) Benedict Hasendorffer, Katharina sein eeliche hausfr[au] haben für sich vnnd iere erbenn nutz vnnd gwörr empfanngen, aines achtll Weingarten, so ain ortt Weingarten, gegen d[er] statt im Potzmansperg vnd an der andern seitten neben Hannß Olbers Weingarten gelegen, welches sy vom Vallentin Fraunschichlln mit khauff vmb ain sum[m] a gellts an sich praht haben deren khaufsumma gedahter Fraunschichl benüegt vnd betzallt word[e]n, vnnd ist demnach solhs khauffs zuuor gedahter Frawnschichl, anfangs benanter chonleüt vnd jerer erben, reht trew gewörr schermb vnd vorstandt, gegfen] christen vnd juden nach stattbrauch. Actum auff dem rathauß vt proxime supra, [etc] 192. (II.-146.) Florian Khrägssner, Lucia sein hausfraw, haben nutz vnnd gwörr für sich vnnd jere erben empfang[en] aines achtll Weingarten im Stainhauffen, zwischen] Augustin Weinpergers vnnd Colman Vng[er]s, Weingarten daselbst geleg[en], so vom h[er]rn Benedicten Hasendorffer vmb ain sum[m]a gellts kheufflichfen] an sy khumen, deren khaufsumma berürter verckhaufffer] völligelich[en] contentirt vnd außtzallt wordfen], vnnd ist nunmalß gedachter h[err] Hasendorff [er], anfangs ernenter eewierdtleüth vnd derselben paider erben, reht trew gwörr schermb vnd vorstanndt, für all rehtlich khrieg vnnd vorsprach gegen christen vnd juden vnd sonnst menigelich[en] nach stattprauch. Actum auff dem rathauß vt proxime supra, [etc] Sub dominis magistratibus, Vrbano Phlegero consule, [et] Sixto Zehentnero iudice. [etc] 193. (II.-147.) Elisabetha weillendt Joseph[en] Khern gelassne wittib, hatt für sich vnd jere erben nutz vnd gwörr empfanngen, ainer 78
