Dominkovits Péter: Második telekkönyv 1554-1580 (Sopron, 2015)

A telekkönyv

176. (II.-138.) Steffann Tritll vnd Margaretha sein eeliche hausfrau, haben nutz vnnd gwörr, aineshauß jn S[ankt] Michäels gassen zwisch[en] Oswaldten Rueß vnd h[err]n Andre beneficiaten heusern geleg[en] empfangen, welches an sy von Clement Schwartzen erben mit khauff vmb ain benante summa gelts khomen, daran dan berürte verkhauffer vollkhummentlich vergnüegt worden, vnd j st solches khauffs obuermelte des Clement Schwartzen erben, deren anfangs gedahten chonspersonen, reht trew gwörr schermb vnd vorstandt geg[en] menigelich[en] nah stattprauch. Actum auff dem rathauß den [etc] January, Anno [15]61ist[en]. [etc].

177. (II.-139.) Franntz Kramer, vxor Veronica, haben für sich vnnd jr beeder erben, nutz vnnd gwörr ainer behausung jn der statt zwischfen] Jacoben Schnellers vnnd Pauli Schneyders heusern geleg[en], empfang[en], welches sy mit khauff vmb ein benante sum[m]a geltts an sich praht haben, deren khaufsum[m]a Liendhardt Posch als gerhab weillendt Geörg[en] Raidlers erben, benüegt vnd betzallt word[en], vnd ist numals gedahter Posch, jn namen gedahter seiner pflegkhinder, anfangs gemelter chonleütt, reht trew gwörr schermb vnd vorstanndt geg[en] cristen vnd juden nah stattprauch. Actum auff dem rathauß, den .16. January, Anno im Ainvndsechtzigist[en], [etc]

178. (II.-139.) Pangrätz vnd Mert die Pawern gebrüeder, haben für sich vnd jrer paid[er] erben, wegen etlicher taill Weingarten nutz vnnd gwörr empfang[en], welche sy vom Christoph[en] Offner burg[er]n zu Wienn, jrem brued[er]n, als ein mütterlich guett vnd erbschafft abgelöst vnd erckhaufft haben,32 vmb ein benante gelttsum[m]a, deren gedahter Offner als verkhauffer, benüegt vnd woll zu friden gestellt worden, das also Offner zu ewig[en] zeitten, weg[en] aller vnnd jed[er] erbstuckh, so jme damalß muetterhalben erblich[en] angefallen, vnd von seinen ernenten brüed[er]n abgelöst sein word[e]n, nihts weitter zuersuech[en] haben solle, sonndern ist der obbemelten seiner geprüed[er], rehter trewer, gwörr, schermb vnd vorstandt, geg[en] aller menigelih, nah stattbrauch, treulich vnnd vngefarlich. Actum den .16. January A[nn]o [15]61ist[en].

179. (II.-140.) Katherina weilendt Sebastian Mayern burg[er]s vnd Schneiders alhie saligen nachgelassene witib [!] hatt für sich vnnd jre erben, weg[en] der juden synagog, zwischen Michl Schneyders vnd Gilig Langen behausung[en] geleg[en], nutz vnd gwörr empfang[en], welihe sy von N. burg[er]maister richter vnd rathe, durh ainen redlich[en] khauff vmb ein gelttsum[m]a über khomen, deren khaufsum[m]a

32 A szó elejét áthúzással javították. / Der Wortanfang wurde mit einem Durchstrich korrigiert.

74