Dominkovits Péter: Második telekkönyv 1554-1580 (Sopron, 2015)
A telekkönyv
gedahte verkhauffer, völligelich[en] betzallt vnd benüegt worden, vnd ist numals gemaine statt vnd derselben nahkhomen, geg[en] anfangs gemelt[e]n khaufferin vnd jre erben, reht trew gwörr vnnd schermb, auh fur alle rehtliche ansprach geg[en] cristen vnnd juden, mit dem rehten zuuertetten schuldig[en] treulich vngeuerlich. Actum auff der bürg[er] schrann den .22. January A[nn]o [15]61ist[en] [etc]. 180. (II.-140.) Steffan Hoyen, Appolonia vxor, haben fur sich vnnd jrer ped[er] erben weg[en] aines achtl Weingarten jn Härmbler zwisch[en] Laslo Wayda vnd Lienhardten Praittmawrers Weingarten geleg[en]. Item mer weg[en] aines achtl weingart[e]n jn Potzman zwisch[en] Mathesen Pauern gelassenen erben vnd Valentin Guglerin weing[arten] geleg[en], nutz vnd gwörr empfang [en], welche sy khauffweiß vmb ain benante sum[m]a gelts von Katharina Sebastian Schneid[er]in, jrer schwig[er] vnd muet[er] überkhomen haben, deren khaufsum[m]a auh, jetztgemelte verkhaufferin entricht vnd vergnüegt wordfen], vnd ist solches khauffs merbenante Sebastian Schneiderin anfangs gemelter eewirtleuth, reht trew gwörr schermb vnnd vorstanndt gegfen] crist[en] vnd juden nah stattprauch. Actum proxima supra, [etc] 181. (II.-141.) Georg Warlin hatt fur sich selbst vnd jre erben, nutz vnd gwerr, aines hauß jn der Hinder gassen zwisch[en] Wolff Deymbls vnd Mathesen Wagners heuser gelegfen] empfang[en], welche an sy von Christoph [en] Fehter mit khauff vmb ain summa gellts khumen, der khaufsum[m]a gedahter fehter benüegt vnd betzallt word[en], vnd ist solches khauffs zuuor gemelter Christoff Fehter, der anfangs benennten Georg Warlin, reht trew ghwörr schermb vnd vorstandt gegfen] christen vnd juden nah stattprauh. Actum auff dem rathauß den .11. February, Annojm [15]61ist[en], 182. (II,-141.) Michäel Wierdt statschreyber, hatt für sich selbst vnnd seine erben, etlicher taill Weingarten halben, so Wolff Thumbseckher burg[er] zu Brugg an d[er] Leitta, an statt Juliana seiner hausfrawen ausgefaillt, (welche erbstuckh ermelter Thumbßeckherin von weilend frawen Martha Schägin jrer aindlen, vnd sein des Michl Wierdts eeleiblich[en] muettern in der taillung erblich [en] angefallen) nutz vnd gwörr empfang[en], dieselbig[en] erbstuckh alle, so vilen dero gewest, seinen schwag[er]n dem ernentem Thumbßeckher, vnd Juliana seiner muemen, khauffweiß gänntzlich[en] abgelöst vnd an sich gepraht, deren khaufsum[m]a ernente verkhauffer, volligelichen vergnüegt vnnd außtzallt worden, vnnd sindt derohalben gemellte verkhauffer sament vnnd sonderlich, anfangs genanten Michl Wierdts, reht trew, gwörr, schermb vnd vorstanndt, geg[en] christen vnnd juden, nah stattprauch. 75
