Dominkovits Péter: Második telekkönyv 1554-1580 (Sopron, 2015)
A telekkönyv
Neostat beeder Weingarten gelegen weihen sy von Mihaeln Lampl burger alhie vmb ain summa gelt für frey ledig erkhaufft vnnd betzalt haben solhes khaufs ist benenter verkhauffer gedahtes Sixten Zehentner seiner hausfrawen vnnd erben rehter trewer schermb furstandt vnd gwer gegen cristen vnnd juden nach statprauch gemelter verkhauffer hat auh anzaigten Weingarten für frey ledig auf vnnd vbergeben an alle geferde. Act[um] auf dem rathauß den .27. February Anno [etc] im [15]59t[en], 148. (II.-123.) Gregor Gaspitz burgfer] alhie, Brigitha sein ehelihe hausfraw haben nutz vnnd gwer für sich vnnd jrer beeder erben aines achtl Weingarten jm Newperg zwischen sein Gaspitz zuuor gehabtem sechzehentaill Weingarten an Lucassen Nemeß ainendt vnd Paullen Fatterler Weingarten daselben gelegen emphangen welhes achtl an sy von der erbarn frawen Vrsula so Cristoffen Ganttner gewesenen burg[er] alhie ehelihen gehabt mit khauff vmb ain benente summa gellts khomen deren khauf summa yetz benente fraw Vrsula gantzlih vergnuet [!] vnnd betzallt worden vnnd ist hierauf merbemelte fraw Vrsula sambt allen jren erben vnnd nahkhumen der anfangs genanten chonlewt vnnd jr beed[er] erben reht trew gwer schütz vnd schremb für all rehtlih ansprach gegen cristen vnd juden nah statprauh. Actum auf dem rathauß den 30. Marty Anno [etc] 1559t[en], 149. (II.-123-124.) Gregor Gaspitz burger alhie, Brigitha sein ehelihe hausfraw haben nutz vnnd gwer ainer wisen vngeuerlih funfzehen madt haltendt vnnderhalb Colnhoff zwischen Merten Maintzer vnnd Bartl Zeiner beedt zum Wolfs steschafft [!] gelegen weihe an sy vom Gilig Pawr wonhafft zue Colmhoff furnembilh[en] seiner hausfrawen Veronica mit khauff vmb ain benante summa gellt khumen, deren khauff summa ernenter Gilig Pawr vnd sein hausfrawen benuegt vnnd betzallt worden, seindt hier auf yez genents chanlewt Gilig Pawr, Veronica sein hausfraw sambt jrer beeder vnuerschaidenlih[en] erben anfangs gemelter canlewt vnnd jr baidfer] erben reht trew gwer schermb vnnd furstanndt gegen cristen vnnd juden wie statbreuhigt. Act[um] Odenburg auf dem rathauß den lesten Marty Anno [etc] 1559t[en]. Sub dominis m[a] g[ist]ratibus Emerico Rainer m[a]g[ist]ro ciuiu[m] Vrbano Pfleger judice, [etc.] 150. (II.-124.) Laurentz Pawr, Cristina sein ehelihe hawsfraw haben für sich vnnd jr erben nutz vnnd gwer emphangen vmb ain hawß jn der Potscha gassen zwischen Cristan Fidler vnnd Mathens Caspawr beeder hawser gelegen welhes vnnd sy von Cristan Damisch vmb ain summa gelt erkhaufft deren khauf summa er volligelih betzallt vnnd benuegt worden vnnd ist nunmalß gedahter verkhauffer gegen anfangs gemelten khauffern vnd d[er]selb[e]n erben reht trew gwer schermb 66
