Dominkovits Péter: Második telekkönyv 1554-1580 (Sopron, 2015)
A telekkönyv
vnnd furstandt fur all rehtlihe khrieg vnnd ansprach gegen cristen vnnd juden nah statbrauh gemelter verkhauffer hat auh anzaigt hawß auf dem rathauß für frey ledig auf vnnd vbergebfen] an alle geferde. Actum auf dem rathaus den xiiij Aprils A[nn]o [etc] [15]59. 151. (II.-125.) Jacob Muetler schutzenmaistfer] vnnd die schützen alhie haben für sich vnnd jre nahkhummen nutz vnnd gwer emphanngen vmb ain achtl Weingarten jm Preischler zwischen Hannß Nagth Weingarten gelegen weihen sy mit vorwissen aines ersamen ratte von weilendt Cristofen Aichler seligen nahgelassenen erben vnd freunden vmb ain summa gellts für frey ledig erkhaufft vnnd betzallt haben vnnd sein nunmalß ermelte verkhauffer gegen jnen schutznmaist[er] vnnd schützen auh gegen d[er] selben nahkhummen rehte trewe gwer schermb vnd furstandt für alle rehtlihe khrieg vnnd ansprah gegen cristen vnnd juden nah statbrauh, gemelte verkhaufer vnd erben haben angetzaigten Weingarten auf dem rathauß für frey ledig auf vnnd vbergeben ongeferde. Act[um] auf dem rathauß .14. Aprils, A[nn]o [etc] [15]59t[en], Sub d[omi] nis magistratibus Emerico Rainer m[a]g[ist]ro ciuiu[m], Vrbano Pfleger judice. 152. (II.-125-126.) Thoman Kranntz Schneider, Barbara sein ehelihe hausfraw haben für sich vnnd jre erben nutz vnnd gwer emphangen vmb ainen halben stadl sambt halben garten so ehemalß zue dem alten gemeiner stat mairhof welher Valentin vom Thurrn von gemeiner stat vmb sein mull vbergeb[en] gehört neben Hannß Grafen gelegen weihen halb[en] stadl sambt dem halb[en] garten er von ernenten Valentin vom Thurrn vmb ain summa gellt erkhaufft deren khauf summa er Valentin vom Thurrn volliglih betzallt vnnd benuegt worden, vnnd ist nunmalß gedahter verkhauffer gegen anfangs ernenten khauffen vnnd derselben erben recht trew gwer schermb vnnd furstanndt für all rehtlih khrieg vnnd ansprach gegen cristen vnd juden nach statprauch [etc] Actum auf dem rathauß den .12. May Anno [etc] im [15]59. 153. (II.-126.) Augustin Hunger, Anna sein ehelihe hawsfraw haben für sich vnnd jre erben nutz vnnd gwer emphangen vmb ain hawß auf der Schwemb neben Mert Sailer hawß gelegen welhes sy von Benedict Kankhalin vmb ain summa gelts für frey erkhaufft deren khauf summa er Khankhalin betzallt vnnd vergnuegt worden vnnd ist nunmalß gedahter verkhauffer gegen anfanngs gemelten khauffern vnnd d[er]selben erben reht trew gwer schermb vnd furstandt für all rehtlih krieg vnnd ansprah gegen cristen vnnd juden nah stat prauh. Gemelter verkhauffer hat auh antzaigtes hawß auf dem rathauß für frey ledig auf vnnd vbergebt an alle geferde. Actum auf dem rathauß 12. May auf Anno [etc] [15] 59. 67
