Dominkovits Péter: Második telekkönyv 1554-1580 (Sopron, 2015)

A telekkönyv

1. (II. -51. ) Benedict Gankhelin maurer, Margaretha sein eeliche hausfraw, haben fur sich vnnd jr beeder erben nutz vnnd gwör aines hauß auf der Widen zwischen Peter Resch vberreitter vnnd Pauln Beethern heüsern gelegen, emphang[en] an sy von Jörgen Meisl mit khauff vmb ain benante summa gelts khomen, deren summa jetzgemelter Jorg Meisl zw seinem wolbenuegen durch anfanngs benante chonleüt, entricht vnnd betzalt worden, vnnd ist solches khauffs, merernenter Meisl vnnd seine erben, vilgenanter Benedicten Gankhelin, Margaretha seiner hausfrauen vnnd jrer beeder erben, recht trew gwör schermb vnnd vorstannd gegen chrissten vnnd juden nach statbrauch. Actum auf dem rathauß den fünften tag january. Anno etc [15]54to Sub d[omi]nis magistratibus Cristophoro Humel m[a]g[ist]ro ciuium et, Cristophoro Kleblsperger judice et camerario etc.

2. (II.-51.) Caspar Lindner, Magdalena sein eeliche hausfraw haben für sich vnnd jr beeder erben nutz vnnd gwör aines hauß am Sanndt Püchl zwischen Windt Pilthor vnnd Galman Jacob gelegen emphanngen, weliches an sy von Hannß Walusch vnnd Florian Walusch mit khauff vmb ain benante summa gelts khomen deren summa jetz gemelte Hanns vnnd Florian di[e] Walusch zw jrem wolbenuegen durch erst genante chonleüt entricht vnnd betzalt worden, vnnd sind solches khauffs vilernente Hannß vnnd Florian die Walusch, mergenanter Casparn Lindner Magdalena seiner hausf[rau] vnnd jrer beeder erben, recht trew gwör schermb vnnd vorstannd gegen chrissten vnnd juden nach statbrauch. Actum auf dem rathauß den neundten tag February [15]54to. Sub d[omi]nis magistratibus Christophoro Humel m[a]g[ist]ro ciuium et Cristophoro Kleblsperger judice etc.

3. (II. -52.) Peter Wydt, Agatha, sein eeliche hausfraw, haben für sich vnnd jr beeder erben nutz vnnd gwör aines sechzehentaill Weingarten in Khainratsperg, zwischen deren von Harkha zech weingartten vnnd Niclasen Khrauser burgers zw der Neustat weingartten gelegen emphanngen, welicher weingart[en] an sy von jetz gemelten Niclasen Khrauser vmb ain benante summa gelts khomen, deren summa jetzgenanter Niclaß Khrauß zw seinem wolbenuegen durch anfanngs gemelte eewirt leut entricht vnnd betzalt worden, vnnd ist solches khauffs merernennter Petern Vydt Agatha seiner hausf[rau] vnnd jrer beeder erben, recht trew gwör schermb vnnd vorstanndt gegen chrissten vnnd juden nach statbrauch. Actum auf dem rathauß den vierzehenden tag february Anno etc im viervnndfunfzigist[e]n.

4. (II. -52.) Franntz Schwartz, Magdalena, sein eeliche hausfraw haben für sich vnnd jr beeder erben nutz vnnd gwör aines sechzehentail

24