Dominkovits Péter: Második telekkönyv 1554-1580 (Sopron, 2015)
A telekkönyv
Weingarten im Khainrats perg zwischen Petern Wydt vnnd Niclasen Khrauser burger zw der Neustat Weingarten gelegen emphanngen, welicher weingarttjen] an sy von jetzgemelten Niclaß Khrauser vmb ain benante summagelts [!] khomen, deren summa mergenanter Niclaß Khrauß zw seinem wolbenuegen durch anfanngs gemelte eewirthleüt entricht vnnd betzallt worden, vnnd ist solches khauffs merernenter Frannz Schwartz, Magdalena seiner hausfrauen vnnd jrer beeder erben, recht trew gwör schermb vnnd vorstannd gegen chrissten vnnd juden nach statbrauch. Actum auf dem rathauß den 14. tag February A[nn]o etc [15]54.to. 5. (II .-53.) Peter Wydt, Agatha sein eeliche hausfraw, haben für sich vnnd jr beeder erben, nutz vnnd gwör vierer jeuch akher beim Leberperg gelegen emphanngen (weliche akher vor zeitten zw Sanndt Wolfganng gen Wanndorff gehörig gewesst.) an sy von N. bur[ger] maist [er] richter vnnd rate vmb ain benante summa gelts khauffweiß khomen, vnnd er Peter Wydt solche khaufsumma in jr earner betzalt hat, vnnd seindt ernente herrn bur[ger] maist [er] richter vnnd rate an stat gemainer stat gemelts Wydt Petern, seiner hausfrauen vnnd jrer beeder erben recht trew gwör schermb vnnd vorstanndt für all rechtlich khrieg vnnd ansprachen gegen chrissten vnnd juden nach statbrauch. Actum auf dem rathauß den vierzehendten tag february. Anno etc im [15]54t[en], Sub d[omi]nis magistratibus Cristophoro Humel magistro ciuium et Cristophoro Kleblsperger judice etc. 6. (II.-53.) Emrich Lasla, Vrsula sein eeliche hausfraw, haben für sich vnnd jr beeder erben, nutz vnnd gwör aines hauß am Holtz markht zwischen Leopoldten Khauffman mairhoff vnnd Michaeln Nemesch hauß daselbst gelegen, emphangen weliches hauß von Blasi Kherptner, als weilenndt Cristoffen Schmidts verlassnen khind[er], geordenten gerhaben, vmb ain benante summa gelts khomen deren summa jetz genanter Blasi Kherptner an stat gemelter khinnder zw seinem wolbenuegen durch anfanngs gemelte eewirt leüt entricht vnnd betzalt worden, vnnd ist solches khauffs merernenter Blasi Kherptner an stat d[er] khinndfer] merernennter Emerichen Lasla Vrsula seiner hausfrauen vnnd jrer beeder erben, recht trew gwör schermb vnnd vorstanndt, gegen chrissten vnnd juden nach statbrauch. Actum auf dem rathauß den viertzehend[en] tag marty Anno im [15]54t[en], 7. (II. -54.) Dauid Wildendorffer, Catherina sein eeliche hausfraw haben für sich vnnd jr beeder erben nutz vnnd gwör aines achtl weingartten im Stainer zwischen frauen Catherina Schnepergerin zw der Neustat vnnd Casparn Judenfeindt weingartten daselbs gelegen emphanngen, 25
