Borsa Iván: Somogy vármegye címere és pecsétje 1498 (Kaposvár, 1998)
capitanei partium regni nostri inferiorum et egregii Petri de Bwthka comitis comitatus Simigiensis per eos in suis ac universitatis nobilium et aliorum possessionatorum hominum eiusdem comitatus Simigiensis personis et nominibus maiestati nostre propterea porrecta, tum vero animo revolventes et assidua meditatione pensantes fïdelitatem et servitia gratissima prefatorum fidelium nostrorum, universorum scilicet et singulorum nobilium eiusdem comitatus Simigiensis, que ipsi cum antea semper sacre imprimis huius regni nostri Hungarie corone, deinde etiam precessoribus nostris, regibus Hungarie ac postremo tandem nobis quoque postea quando ad apicem huius regalis dignitatis nostre. Dei munere assumpti sumus, omnibus in rebus fideliter et constanter cohibuerunt, qui tametsi post felicem coronationem nostram per gentes et exercitum serenissimi principis domini Maximiliani Romanorum ac Hungarie etc. regis, fratris nostri charissimi, qui hoc regnum nostrum ambiebat et diversis spoliis afficiebat, inexplicabilia damna et pericula perpessi sint, nullis tarnen terroribus, nullis comminationibus, nullis denique periculis ab instituto cepte fidelitatis officio deflecti potuerunt, sed omnia pericula et fortune discrimina parato animo et constant! fide pertulerunt, nec ea solum, sed maiora quoque, si necesse esset, pro statu nostro et rei publice utilitate promovenda subyre parati essent. Cupientes igitur erga universitatem pretactorum nobilium munificentiam nostram regiam ostendere et fidelitatem eorum ad altiora status et gratiarum nostrarum ornamenta sublevare, eidem universitati nobilium dicti comitatus hec arma sive decoris insignia, videlicet clipeum cum campo celestino, in cuius fundo corona aureo fulgore splendet, de qua lacertus sive manus armata in cubito recurva" in altumgue spatium litterarum protensa très vites sive palmites virides cum tribus fouis et doubus botris ex eisdem palmitibus dependentibus complectitur. Quorum quidem armorum vera denotatio est, quod cum ipsi fidèles nostri penes sacram coronam ac maiestatem nostram, prout superius tactum est, multa et varia hostilia passi, gravamina experti insultus insuper duros et casus constanter adherere studuerunt in multisque et varus conflictibus cum plerisque nostris et regni nostri emulis habitis, plura certamina inita et victorias inter alios nostros fidèles reportassent, iure meritoque insigniorum huiusmodi ornamentis illustrari meruerunt. Palmites autem et botri exinde dependentes fertilitatem terre et vini dénotât abundantiam, cuius in illo comitatu tanta abundantia est, ut cum aliis regni nostri opulentioribus comitatibus conferri potest. Super clipeum stat galea erecta argenti coloris, de cuius summitate flores variorum colorum hinc inde velut flato violentiori agitati circumfunduntur. Super verticem galee stat aquila erecta in modum scachi rubeo alboque coloribus distincta pedibus in diversum sepositis alisque ad volandum extensis coronam auream in capite gestat, prout et quemadmodum hec in principio seu capite presentium litterarum nostrarum pictoris arte suis apropriatis coloribus depicta conspiciuntur, animo deliberato et ex certa nostra scientia de prelatorum et baronum consilio dedimus, donavimus et contulimus, immo damus et presentibus elargimur decernents, ut ipsa comunitas ac universitas nobilium predictorum eorundemque universa posteritas pretacta arma et decorum insignia more aliarum nostrarum civitatum et comitatum regni nostri armis utentium a modo imposterum in preliis, hastiludiis, torneame[nti]s, duellis et aliis omnibus exercitiis militaribus uti et frui valeant atque possint. Ceterum ex superhabundantiori plenitudine nostri favoris et gratie volentes pretactam armorum et insigniorum collationem, que inter alia opportuna etiam in vestre communitatis sigillis deferetis amplioribus ornamentis decorare eisdemque id duximus annuendum et concedendum, 8 ut ipsa universitas nobilium predicti comitatus sigillum pro se disponere ac illo uno tantummodo in
