Evangélikus főiskola, Pozsony, 1866

mansitque Zittaviae in Lusatia ibidemque diem obiit supremum anno 1678. seniculus 75 annos natus et honorifice sepultus ad templum s. crucis. Interea pastores evangelici, qui deficere a fide sua aut rebellionem agnoscere vel reversalibus subscribere nolebant, raptabantur ad varios carceres etiamque ad triremes condemnabantur, inter quos erat Tobias Masnicius, diaconus Kalinkianus anno 1671. inauguratus, teste protocollo isto. Tandem cassatis in diaeta Semproniensi anni 1681. ministrorum evangelicorum, qui in exilium se ituros promiserant, reversalibus, dominus m. Martinus Tarnóczy Zittavia relicta rediit anno 1682 in patriam et quoniam per Tökölianos templa passim restituebantur , complures candidatos ministerii initiavit istaque inauguratione omnes antecessores collegas suos superavit numerans 364 candidatos per impositionem manuum suarum inauguratos. Ex pago Bela Yalasska ecclesia sua filiali in arcem Blatnicza per magnificam dominam Sidoniam Revay de Reva evocatus, postquam aliquamdiu ibidem vixisset, ad plures abivit anno 1685 et sepultus est in templo subarcensi, concionem funebrem peragente in area arcis domino Tobia Masnicio, con- cionatore aulico, alteram vero ante arcem domino Nicolao Nigrini pastore Hajensi, orationem vero latinam in area arcis habente me Daniele Krmanno, scholae Mosoviensis tunc rectore, alteram vero ante arcem Johanne Scholastici, conrectore Schemniciensi idque 23. Julii.

Ab eo tempore nullus erat in his decem comitatibus superintendens , debebantque candidati ministerii sacri excurrere Bartfam ad excell. d. Jacobum Zabelerum, ecclesiae Bartfensis pastorem et quinque liberarum civitatum superintendentem, qui siquidem usque ad annum 1709 vitam protraxit, quam plurimis manus suas imposuit in inauguratione cum precibus, verbo dei aliisque ceremoniis consuetis, fieri solita. Excitatis tandem motibus bellicis Rakoczianis et obtento religionis libero exercitio electus fuit in superintendentem d. m. Stephanus Pilarik, pastor germanicae ecclesiae Schemniciensis et quidem in synodo Czeriensi anni 1704. die 28. Maji moxque sequente die 29. Maji, accersitus ad synodum inauguratus est per d. Johannem Simonidem, pastorem slavicum Neosoliensem aliosque viros reverendos, qui ex comitatibus Hontensi, Neogradiensi et Turociensi confluxerunt cum plena agendi facultate.

Anno 1706. indicta per dominum m. Stephanum Pilarikiuui ad diem s. Georgii Solnensi synodo, ego indignus minister ecclesiae Sol- nensis Daniel Krmann conformibus votis dominorum seniorum Lipto-