Dertsik János: Paralella linguae Aramaicae seu Chaldaicae et Syriacae institutio (Pestini, 1835) - K.960

igitur interpretes biblicos ab olim linguae hujus permagnam habuisse rationem seu ediscendae seu percolendae. Aetate nostra Oberleith- nerus, Uhlemannus, Hoffmannus de Syriasmo et uberius et doctius provecto insigniter meruerant, non minus de Chaldaismo Yinerus et Fürstius. Nec quisquam putet, animum mihi fuisse sedulos et eruditos eorum labores seu amplius perficiendi, seu quaqua ratione complendi; imo animus erat iisdem in rem meam utendi, et quod illi uberius exequebantur, in compendium redigendi, atque tyronibus et Theologiae candidatis, qui occupatione non tantum linguarum universim orientalium et linguae graecae, sed etiam aliarum theologicarum sibi incumbentium disciplinarum majorem in modum distenduntur, ac tempore ad evolvenda mox in limine tam prolixa opera excluduntur, propinandi. Jactis ita linguae principiis integrum imo consultum erit, dato serius otio, porecta opportunitate, illa majoris apparatus opera evolvendi, atque solidiorem ac uberiorem notitiam inaedificandi.

Dabam Pestini 1. Julii 1835.

Anet or.