Ranolder János: Sermones sacri auditoribus suis oblati (Pestini, 1842) - 90.209

39

natura convulsa, in crucifixo Dominum suspexit. Qui itaque fieri posset, quominus homo — en totius paene naturae voce ac testimonio insuper habito — quominus homo solus in Jesu Deum revereatur. Et si quidem esset fors quis adeo infidelis, is, velim, infidelem quondam Centurionem consulat, qui cruci Jesu adstans, visa forti ac mirabili eius morte, viso terrae motu et ceteris, quae fiebant, fidelis iam, etsi tremebundus exclamavit: „vere Dei filius erat iste — Ita est, AA ! Dei filius! — nam eum et ipse se identidem fuerat confessus , et, ut fidem faceret dictis, languores sanavit, coccorum oculos aperuit, mortuos, etsi quatriduani iam in putredinem abiissent, voce suscitavit, datis item vitae sanctissime ducendae et praeceptis, et exemplis, postquam pertmnsiisset benefaciendo et innumera prodigia patrando, tandem pro peccatis nostris, ut praedixit, crucifixus et mortuus est, ast tertia die, ut itidem praedixit, devicto mortis aculeo, rursum a mortuis propria virtute victor resurrexit. Joann. 10, 18.

Utinam AA ! factorum horum splendidorum vel unum hic propius examinare vacaret, tum profecto admirabundi intelligeremus tandem , merito omnino Salvatorem, dum in terris ageret, ad ea fidenter adeo provocasse dicendo: ,,Ope-