Ranolder János: Sermones sacri auditoribus suis oblati (Pestini, 1842) - 90.209
26 incertis abstinuisse, — si sapientissimi quique philosophi polytheismum sanae r. lioni deputa- •runt, — si denique omnes hi in summo scientiarum flore, culturaque omni ad summum paene apicem provecta, multa aut erronee, aut incerte docent: estne prudenter credibile, puram illam ac sublimem doctrinam biblicam hominum cetera obscurorum, nullis artibus, scientiis nullis excultorum, graecisque, ac Romanis multis et mullis seculis antiquiorum, partum esse naturalem , quin Deus in hominibus illis immediate instituendis partem habuerit, prout sacra biblia referunt? Profecto ipsa illa eximia doctrina theo- retica perinde ac practica, iam in infantia generis humani obvia, qualem nullus unquam Graeciae aut Latii philosophus , etsi in summa cultura, multis seculis tardius docuit, manifeste extraordinariam ac divinam poscit originem, adeoque — nam et id hinc sponte consequitur — adeoque invictissimo est argumento, extraordinaria illa, quae ad eandem illam doctrinam hominibus communicandam, stabiliendam , et propagandam divinitus patrata in bibliis narrantur, necessario verissima esse. En vero AA! hoc ipso planior via parata est ad alterum pro divinitate doctrinae Veteris Foederis argumentum inducendum , quod nempe
