Alber, Joannis Nepomuk: Epitome institutionum historiae ecclesiasticae (Agriae, 1826)-90

Epitome Fart. I.

tempestas etiam , quam turbulentissimam excitaverat, resedit. Gallum, patruelem suum, Caesarem creaverat, eumdemque etiam ob nimiam saevitiam sustulerat. Julianum deinde , Galli fratrem , cum ad Caesaris dignitatem evexisset, ille vero, absque illius consensu etiam nomen Augusti assumpsisset; Constantius bellum ei intulit, et progressus adversus eum, in finibus Ciliciae cum periculum vitae advertisset, baptizatus ab Euzo- |o, Episcopo haeretico, vivere desiit, pag. 465.

§. 71. Imperium totum mortuo Constantio ad J uli anum pervenit. Julio Constanlio patre , Constantini M. fratre natus est. Constantius, dum Imperium adeptus in propinquos suos saeviisset, Julianum aetas puerilis in vita servavit, Gallum infirmitas, unde videretur alioquin brevi moriturus. In quadam villa Cappadociae ambo educati, et exculti literis etiam sacris sunt, atque Clero etiam adscripti , et lectores ordinati. Julianum autem postea , dum Constantinopoli operam philosophiae dat, Maximus ejus magister ethnicus seduxit, spondens ei Imperatoriam dignitatem, idque quasi ex. deorum oraculo, si ad eorum cultum transiisset: ne autem in suspicionem Imperii affectati apud Constantium incideret, monachum induit. Imperator factus aliquantisper adhuc se simulaverat Christianum: brevi autem se etiam aperte ostendit, esse ethnicum ; quem idcirco Maris Episcopus magna loquendi libertate objurgavit. Ipsum etiam Baptismum victimarum sangvine in se eluere, et deT Iere voluit. Habitum assumpsit philosophorum, professus se ex philosophic instituto imperaturum. Statuerat apud se, exterminare Christianam Religionem , sed alia ratione, quam hoc priores

88