Alber, Joannis Nepomuk: Epitome institutionum historiae ecclesiasticae (Agriae, 1826)-90

ores Imperatores efficere conati sint, videlicet argumentis, et ratione Christianos erroris convincendo. Hac de causa librum etiam composuerat adversus Christianam Religionem. Neque tamen etiam aliis artibus abstinuit, ad Christianos vel imprudentes, vel illata ipsis necessitate adigere ad se , prout cogitabat, contaminandos superstitione gentilium. Sed neque a sangvine Christianorum se cohibuit, quin dum Antiochiae, illo jubente, corpus S. Babylae Martyris debuissent transferre, eo, quod in translatione illius cecinissent : Confundantur omnes , qui adorant sculptilia , et qui gloriantur in simulacris suis , iratus Diocletiani persecutionem paratus erat suscitare, nisi Thedori adolescentis, qui primus tormentis erat subjectus, invicta constantia, et tormentorum contemptu fuisset revocatus a suo proposito. Dum expeditionem parasset in Persas , amphitheatrum Jerosolymae curavit exstruendum, facturus sibi spectaculum ex laniatu Episcoporum, monachorum , et omnium Christianorum Jerosolymam incolentium , confecto Persico bello. Gentilibus cum summam dedisset libertatem, isti Juliano connivente, multis in locis immane quantum grassabantur. Georgius pseudo- episcopus (de quo fuit §. 68.) Alexandria hoc tempore, quod irrisioni exposuisset in My- thrae templo ea, quae ethnici illic exercebant nefanda, primum ludibrio habitus, postea exustus est: nec tamen ideo martyr docente S. Cypriano , Martyrem esse non posse, qui in Ecclesia non est. Leges quoque Julianus ejusmodi tulit, quibus opprimerentur Christiani, favoribus autem omnibus cumularentur ethnici. Ipsas etiam scientias docere interdictum fuit ab eo Christianis. Inter eos, qui viri celebres maluerint doceuAb an. I. Aer. Chr. usque ad Sec. IV. 8g