Alber, Joannis Nepomuk: Institutiones historiae ecclesiasticae Tom.5. (Agriae, 1825) - 89e

58

Instit. Hist. Eccl. Pars E'.

§■ io.

Comitia Tmperii Spirensia, ubi nomen Protestant tium exortum est. Comitia Augustana , et Protestantium Confessio , dicta Augustana. Foedus eorumdem Smalcaldicum. Pax Norim- bergensis.

Interea Spirae in Germania a. 1529. die i5. Martii rursus Imperii comitia celebrata sunt, quibus Ferdinandus Archidux praefuit. Actum in his est de apparando bello contra Tureas, si hi ex Hungária, quam magna ex parte jam suis armis oppressam tenebant, in Germaniam irrumpere vellent ; deinde de sedandis turbis , quae magis semper invalescebant circa Religionem. Statutumque est, ne illa doctrina, quae veri corporis, et sangvinis Christi sacramentum suffert, ab aliquo reciperetur in Germania, sed neque Missa abrogaretur. Zvingliani erant, qui hoc docuerint, et fecerint; de quibus adhuc postea instituetur narratio. In Anabaptistas , de quibus pariter adhuc dicetur , constituta est animadversio gladio, igne , vel alio genere supplicii. Denique orandum esse Imperatorem Carolum, ut cum Romano Pontifice agat de generali Concilio instituendo quantocius. Interea autem Wormatiense decretum observaretur in iis locis, in quibus hactenus obtinuisset, et neque alibi quidpiam novi superadderetur iis, quae jam novata essent. Lutheranis hoc non placuit decretum. Arctari ad ea, vel exiguo tempore noluerunt, quae jam sibi formaverant nova dogmata Religionis. Itaque Joannes Elector Saxonise (frater fuit Friderici, illius summi fautoris Lutheri cui mortuo a. 1025. successit) Georgius Marchio Brandeburgensis , Ernestus ,