Alber, Joannis Nepomuk: Institutiones historiae ecclesiasticae Tom.5. (Agriae, 1825) - 89e

concreditum negotium, non bono animo tulerunt Eremitae S. Augustini, ipseque etiam eorum in Germania Generalis Vicarius Joannes Stan pi tins. Qui non tantum idcirco questus erat Friderico Electori Saxoniae, cui charus erat, verum etiam Dominicanos incusabat, quasi in publicandis Indulgentiis id, quod docerent de iisdem Indulgentiis, non esset satis orthodoxum; deinde quod in colligendis pecuniis suo privato servirent compendio : insuper instigaverat alios etiam sui Ordinis, ut impeterent doctrinam Dominicanorum de Indulgentiis: quod illi fecerunt in publicis etiam concionibus ad populum , omniumque maxime Martinus Lutherus. Hic Islebii in Saxonia a. i483. lucem primam adspexit, Erfurti literis excultus ad Jurisprudentiam se applicuit: sed territus fulmine, quo ejus socius, cum quo ambulaverat, percussus fuit, institutum Eremitarum S. Augustini amplexus est. In Academia Wittembergensi, quam Fridericus Saxoniae Elector instituerat non multo ante, factus postmodum Professor, et Doctor etiam Theologiae creatus est. Ut in invidiam vocaret doctrinam Dominicanorum de Indulgentiis, Lutherus literas scripsit etiam ad Albertum Archiepisco- pum Moguntinum, quam sic depinxerat, quasi hi docerent, eum, qui has Indulgentias consecutus esset, jam non posse periclitari de aeterna salute, et esse solutum omni obligatione quidpiam praestandi satisfactionis nomine pro suis peccatis; severo istud tantum ex rumore habere, qui ejusmodi concioni numquam interfuerit. Idem detulit, sub ipsius Moguntini Archiepiscopi nomine circumferri libellum, in quo plus aequo extollantur Indulgentiae , derogeturque contritioni, et Satisfactioni in Sacramento poenitentiae: Huic epistolae adjunxerat suas propositiones de Indulgentiis septem, et

no24 Instit. Ulst. Eccl. Pars U.