Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d

52 4 Institut. Hist. Eccl. Pars IV.

Petro jubente publice in concione declaravit illanj. viam cessionis numquam initurum, sed paratum potius ad mortem perferendam. Attamen et ipse , postquam nec per Concilium Constanti- ense induci potuisset ad faciendam cessionem, Petrum deseruit, et Christi fideles monuit ad parendum eidem Constantiensi Concilio. Nam certe vir sanctissimus, numquam, nequidem ad horae momentum Petrum de Luna, ut Pontificem coluisset nisi bona fide : atque sic extra crimen schismatis, innoxiusque perstiterit. Sanctio a Pisano concilio Sess. 8. edita apud Raynald. ad a. i4og. num. 5i.

$■ 39Alexandro V. mortuo Cardinales sufficiunt Joan- nem XXIII. Concilium Romce ab eo habitum. Constantiam ab eodem indicitur Concilium.

Gregorius XII. necdum concluso concilio, quod Austriae in Aquilejensi dioecesi celebrabat, discedere coactus est, Aquilejensibus in eum insurgentibus , synodumque disturbantibus. A Pisanis erant concitati. Dum autem hinc abiret, in gravius adhuc periculum incidit. Veneti, post- fjuam ipsius etiam literas sprevissent, quibus erant vocati ad concilium insidias ei struxerunt in via, et capere voluerunt: quas elusit equo vectus, et veste indutus laica, duobus nonnisi comitibus pedestribus, habitus pro mercatorte a militibus, qui iter obsidebant. Cajetam se contulit, quae tunc civitas , sita in Campania Ladislao Regi Neapolis parebat, et a Gregorii partibus stabat, sed non constanter. Eo enim praetextu, quasi rem suscepisset Gregorii, occupaverat cum alias civitates