Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d
2g4 Instit. Hist. Eccl. Pars IE. comprehenderetur, et fortasse ipsius etiam vitae discrimen adiret. Tantoque magis istud suspicari licebat, quod Petrus nullo modo ab hoc loco ad habendum congressum, se dimoveri passus sit, sed statim Savonam se contulerit, eoque promtius, ut obtendere posset, non a se verum a Gregorio datam esse causam, cur et frustratum hoc esset colloquium, nec factum id, cujus gratia institui debuisset. Gregorius vero etiam ad iter se dedit, et usque Senas perrexit, ut vicinior ei esset Savona: neque tamen usque Savonam: cum ea, quae petebat securitatis suae causa, praestita non fuissent. Senis Gregorius una cum Curia, et collegio suorum Cardinalium Lucam profectus est: ubi quatuor noVos creavit Cardinales: quod gravissime tulerunt ceteri ejus Cardinales , queren- tes id ab eo factum adversus datum jusjurandum de non creandis Cardinalibus intra spatium unius anni , nisi Petrus de Luna prior numerum suorum Cardinalium auxisset: cumque fidem Grego- rii Cardinales censuissent, id eo factum esse a Gregorio, ut se firmaret adversus Petri de Luna factionem; hunc arguebant non gerere sinceram mentem ad schisma tollendum, qui ejus compositionem et hactenus frustratus sit, et conetur frustrari, quod ipsum etiam ab eo fieret adversus jusjurandum, a se datum. Verum est, quod novos Cardinales sibi creaverit, ut se firmaret adversus contrariam Petri de Luna factionem. Etsi vero Petrus de Luna novos sibi Cardinales non constituisset, vires tamen novas acceperat ejus factio, cum plures Gre- gorii Cardinales a Gregorio se avertissent, in partemque adversam inclinassent; id quod ex certis indiciis , et ex multorum relatione se advertisse te-
