Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d
de Luna, qui ei declararent, Galliam universam, pluresque alias orbis Christiani regiones denegaturas ei obedientiam, nisi idem quod Gregorius, fecisset, atque huic denunciationi Petrus refragari aperte ausus non esset, tamen edictum fecit, quo ad sibi, suisque successoribus obediendum universos ita obstrictos esse voluit, ut anathema in eos constituerit, qui hanc ei obedientiam, et subjectionem denegassent. Sic videlicet munire se voluit adversus defectionem a se, quae ei per eam legationem, quae dicta est, intentata fuit. A See. XIII usque ad Sec. XVI. 2g3 Gregorius XII. postquam Regi Galliae declaravisset, se paratum ad renunciandum Pontificatui, misit confestim etiam legatos ad Petrum de Luna ad locum constituendum congressui suo, et colloquio, Petrus de Luna induxit legatos Gre- gorii, ut consentirent in Savonam , locum ad habendum illud colloquium. Civitas haec sita est in Liguria maritima, fuitque tum obnoxia imperio Gallorum. Hunc vero locum Gregorius recusavit, utpote, unde metu arceretur: nam Ge- nuenses habere classem, in mari, Venetis, ex qua civitate ipse oriundus esset, inimicos, Buci- caldum Genuae obtinere praefecturam, quem habeat sibi suspectum. Non multo post Bucicaldus Romam contendit cum classe, ut hanc assereret Antipapae Petro de Luna. Non igitur vanus erat metus iste Gregorii a Bucicaldo. Quamobrem hunc recusavit locum, nisi ea removerentur, quae eum sibi haud securum, atque tutum facerent, aliamque civitatem, ut Florentiam, vel Pisas, expetebat. Nec sane hic locus a Petro de Luna delectus fuit absque vafro aliquo consilio, meritoque metuit, ne ab eodem Petro circumventus com-
