Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d

trahebant a licentia vivendi: etsi auctores istius rei deceptores, et sycophantae fuerint. Captus est ex horum numero unus, quaestioni subjectus, confessusque crimen, (in ipsis enim Ecclesiis, in quibus noctes solebant agere, inter se scortabantur) cum hic ad rogum damnatus fuisset, deprehensa nequitia , alii male sibi conscii se subduxerunt: brevique exaruit res fundata in deceptione non in vera pietate. Theodoricus Niem lib. 2. cap. 26. Platina in Bonif. IX.

Bonifacio IX. mortuo Cardinales, qui in hujus parte erant, voluerunt in suspenso tenere electionem Pontificis, nec eam praecipitare, si fortasse Petrus de Luna se etiam vellet praebere aequum ad tollendum schisma, et praestare quod spoponderat, seque abdicare Pontificatu. Igitur cum Cardinales ex legatis Petri, qui Roma nondum discesserant, quaesivissent, essentne instructi potestate ad abdicationem nomine Petri faciendam, idque negavissent, iidem eos hortabantur, ut aliquos e suo numero mitterent ad Petrum, istius ab eo petendae, et afferendae abdicationis causa. Responderunt, incassum se hos missuros, nec enim hanc a Petro sperandam esse. Dum igitur legati Petri nec mittere quosdam voluissent ad Petrum, Cardinales electionem instituerunt nondum elapso mense ab obitu Bonifacii, concor- dibusque suffragiis electus est Cosmas de Melioratis Cardinalis, et Archiepiscopus Bavennas, qui se Innocentium VII. nominavit, datoque prius jure jurando, quod et ab omnibus aliis factum Cardinalibus est, daturum se operam tollendo schismati etiam cedendo, et deponendo ipsam Pontificiam dignitatem. Statimque factus Pontifex misit literas ad Principes, et Episcopos, qui

A Sec. XIII. usque ad Sec. XVI. 289