Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d

Hoc nomine intelliguntur fructus primi anni omnium Ecclesiarum Cathedralium , et Abbatiarum vacantium, quos is, qui beneficium consecutus est, pendet Camerae Apostolicae. Attamen jam Clemens Y. istud in Anglia fecerat, cum id vidisset ibidem factitari ab Episcopis erga eos, quibus beneficia conferebant in suis dioecesibus, ratus id, quod Episcopi facerent, se quoque posse et aequiore jure facere. Joannes XXII. quoque id. fecit ad succurrendum Ecclesiae Romanae indigenti, quoad beneficia intra triennium vacantia, exceptis tamem Episcopatibus, et Abbatiis. Thomass. Tom. IIT. 795. Annatarum aequitatem tuetur etiam Joann. Gerson de Simonia cap. 5. Nam et in Veteri lege decimas decimarum esse Summo Sacerdoti a Levitis praestitas. Num. 18. v. 28. Sic igitur, inquit, non minus in lege nova debetur haec decimatio facienda ipsi Papae per inferiores pro sustentatione status sui.

Sub Pontificatu ejusdem Bonifacii turba quaedam hominum e Scotia egressa venerat in Italiam. Induebantur veste candida, et cruces portabant testaceas sangvine permixtas, atque oleo hume- ctatas, quae in aestivo calore sudare sangvine videbantur. Dicebant ipsum etiam Eliam Prophetam, e paradiso reversum, unum esse e suo numero, et vaticinabantur, brevi orbem interiturum terrae motu. Creditum fuit ipsis, in totaque Italia, atque Romae quoque ipsi etiam Cardinales in saccis albis cum capitiis, quae faciem tegerent , solisque oculis foramen relinquerent ad videndum , per continuos tredecim dies nova cantica cantanbant circumeuntes templa, et plateas, perculsi terrore illius terrae motus, et divini judicii. In multis fructum protulit; namque se retras88 Institut. Hist. Peel, Pars IV.