Alber, Joannis Nepomuk: Institutiones historiae ecclesiasticae Tom.2. (Agriae, 1825) - 89b

56 Institut. Hist. Eccl. Pars II.

qui literas arundini inclusas ferebat, successerat, ut perferri potuerint. Quae cum acceptae essent, omnes Archimandrite«, monachorum catervis stipati , populi multitudine comitante cum his inter Psalmorum cantus ad palatium processerunt, ad Imperatoremque tulerunt, deinde ad Ecclesiam iverunt; ubi populo praelecta est sententia, lata a Concilio in Nestorium , conclamansque universus "populus Anathema dixit Nestorio. Imperator autem falsa relatione Candidiani Comitis inductus utriusque partis Acta volebat haberi missa in irritum: misitque Ioannem Comitem E- phesum eum in finem, ut tam Nestorio quam etiam Cyri lio, et Memnone non tantum exclusis e concilio, verum etiam in custodiam traditis, a ceteris Episcopis denuo quasique novum institueretur concilium. Cyrilli, et Memnonis inclusio vehementer animos perturbavit Episcoporum omnium, urbemque totam Ephesinam. Post binas ad Imperatorem a Concilio datas literas, petiit, ut ab utraque parte legati ad se mitterentur, Chal- eedonemque eos venire jussit: quo ipse etiam ivit, cavens, ne si Constantinopolim venissent, tumultus aliquis oriretur. Ex parte concilii legitimi iverunt Arcadius, et Philippus legati Romani Pontificis cum sex Episcopis : ex parte altera ipse Joannes Antiochenus cum septem Episcopis. Nullum non moverunt lapidem Joannes, caeterique ex ejus factione Episcopi, ut Cyrillum ex anathematismis in Nestorium, adhaerentesque ei Episcopos esse haereticis erroribus affectos, Imperatori persvade- rent, se autem omnis labis expertes. Videbatur in eorum partem Imperator jam inclinatus esse. Repente autem mutata res est. Imperator redit C onstantinopolim. Eo vocantur legati etiam E- phesini concilii, iis, qui ex factione erant Joarnnis