Alber, Joannis Nepomuk: Institutiones historiae ecclesiasticae Tom.1. (Agriae, 1825) - 89a

Herodes Judaeorum Rex infantium caedem facturus esset promiscuam Chrisi interficiendi causa, Joseph Mariae conjux ab Angelo monitus cum infante Jesu , ejusque matre in Aigyptum abiit, ibi— que mansit donec mortuus fuisset Herodes, nec multo post: quippe anno sequente consumptus est teterrimo morbi genere in tabem verso, et a vermibus corroso corpore.

Joseph, et Maria ex Aigypto reversi Jesum in Nazareth civitate Galilaeae , ubi domicilium eorum erat, educarunt. Annos natum duodecim cum iidem secum Jerosolymam ad festum Pascha-' tis duxissent, ibi quamvis adhuc puer, cum Do- ctoribus, et legis peritis Judaeorum publice in templo talem habuit sermocinationem, ut omnes , qui eum audierunt, stuperent super prudentia, et responsis ejus. Annum aetatis suae tricesimum cum iniiset, Nazaretho venit ad Joannem Baptizantem in Jordane, atque ab hoc baptizatus etipse est. Ad desertum deinde se contulit, ubi quadraginta dierum jejunium peregit. Post hoc in Galilaeam regressus hic omnium primum suum Evangelium coepit annunciare, relictoque Nazaretho, cujus incolae e monte eum praecipitare voluerunt, Capharnai in alia civitate Galilaeae, locum suo domicilio delegit. Hinc peragrando universam Galilaeam, et Judaeam, populi multitudinem, quae, auditis, et visis miraculis ab eo factis, undique ad eum confluxerat, docebat, atque ex his, qui ei adhaeserant , duodecim elegit, quos Apostolos suos constituit, nec non alios duos, et septuaginta, quos binos praemitteret ad civitates, et loca, ad quas erat venturus.. Postquam triennium functus esset hoc docendi munere , malignitate Judaeorum actus in cruccm est, et mortuus. Die

auAb an. I. JEr. Christ, usque ad Sec.IF'. 85