Alber, Joannis Nepomuk: Institutiones historiae ecclesiasticae Tom.1. (Agriae, 1825) - 89a

autem tertia a morte surrexit, et postquam adhuc quadraginta dies cum discipulis suis conversatus fuisset, in horum praesentia, et oculis ex monte Oliveti, Jerosolymae vicino adscendit in caelum, dato Apostolis mandato de Evangelio suo per universum terrarum orbem promulgando.

Christum, dum ab Joanne baptizaretur, incepisse, quasi annorum triginta esse, diserte apud Lucam est Cap. 5. 25. Hoc autem Quasi cum

ab eodem Luca referatur ad incipere istum tricesimum aetatis annum, sequitur, ut iste tricesimus annus aetatis de Christo sit etiam intelligendus tantummodo inchoatus. Vetustissimo more Ecclesia recolit memoriam baptizati Christi ab Joanne in festo Epiphaniae: inter quod Epiphaniae festum , et nativitatis Christi intercedunt dies duodecim. Hoc igitur etiam est quasi initium anni tricesimi , quo baptizatus est Christus. Hinc vero facile est devenire etiam ad annum, quo suae aetatis mortuus sit Christus. Nam cum ab ejus hoc baptismo, quatuor intercesserint Paschata ad ejus mortem, quae ex Evangelio Joannis colliguntur , primum C. 2. v. i3. alterum C. 3. v. 1. tertium C. 6. v. 4. quartum denique C. i5. v. 1. sequitur, Christum anno aetatis suae tertio, et tricesimo mortuum esse. Hac computatione annus mortis Christi cadit in annum, quo Rubellius , et Fufius fuerunt Consules, uterque Geminus: quo anno Christum mortuum esse, Tertullianus lib. contra Judaeos cap. 8. S. Augustinus lib. 18. de Civ. Dei cap. 54. aliique veteres scriptores, nec non Chronica, et antiqua Martyrologia perhibent.

86 Institut. Hist. EccL Pars I

$• 2.