Alber, Joannis Nepomuk: Institutiones historiae ecclesiasticae Tom.1. (Agriae, 1825) - 89a

ea, Zacynthus, et aliae praeterea minores. Sicut autem Graeeiae nomen fuit inditum Italiae ei parti, quae infima est, et Siciliae, ita idem Graeciae nomen extensum fuit ad eam Asiae, quae dicta minor est, partem, in qua fuit Mysia, Phrygia, Aeolia, Jonia , Lydia , et Caria, quaeque idcirco Graecia appellata fuit Asiatica.

$• 9*

De India Occidentali, sive America.

Haec, quam feci, est descriptio brevis Europae , Asiae, et Africae. Superest India Occidentalis, alio nomine America: sed cujus notitia tanto usui jam non est, cum nonnisi anno 1492. primum a Christophoro Columbo Genuensi, deinde vero adhuc magis ab Americo Vespulio Florentino a. 1497. detecta fuisset, a quo et nomen ab Europaeis ei inditum est. Nam cum incognita fuerit, etiamsi fortasse non penitus, tamen a Scriptoribus Historiae Ecclesiasticae nulla ante hoc tempus facta ejus mentio est. Habet America formam duarum peninsularum tenui isthmo intercedente, ab unoque usque ad polum alterum tenditur longitudine milliarium Germanicorum , id est quatuor mille passuum 75o , habens in latitudine talia milliaria 525. Multae hujus regiones pertinent ad Regem Hispaniae , uti Peruvia, nova Hispania sive regnum Mexicanum, pluresque aliae: quaedam parent Gallis, Anglis, Batavis, Lusitanis, et Svecis j quaedam abjectis priorum dominorum imperiis foederatam , ac in dies latius patentem constituunt rempublicam.

Dixi,

bo Prolegomena