Alber, Joannis Nepomuk: Institutiones historiae ecclesiasticae Tom.1. (Agriae, 1825) - 89a

verum etiam Historiam Romanorum Pontificum per seipsum composuit.

Acta Sanctorum seculo eodem decimo septimo colligere, et typis edere coepit Joannes hollandus e S. I. executus Consilium, quod conceperat Heribertus Rosweidus ejusdem Societatis. Ad quod deinde criticum, et eruditissimum Opus continuandum multi operam suam contulerunt, et facto initio a die i. Januarii procedendo per omnes anni dies Sanctorum, quorum quaque die memoria colitur, vitam descripserunt, et critice usque ad Octobrem in magnis voluminibus quinquaginta in folio perduxerunt. Historiam Concilii Tri- dentini scripsit Cardinalis Pallavicini e S I. Susce- pitque hoc Opus, ut refutaret historiam ejusdem Concilii , scriptam a Paulo Sarpi sub nomine Svavis ex Ordine Servorum B. V. Theologi Rei- publicae Venetae. Jacobus Hyacinthus Serry historiam scripsit Congregationis de Auxiliis. Ludo- vicus Maria Lucini ex iis, qui de Ritibus Sinen- sium egerunt, Scriptor videtur fuisse omnium luculentissimus. Ceteri adhuc memorabiliores sunt, Ignatius de Graveson, Josephus Augustinus Orsi- us Card. Mamachius in Originibus Ecclesiasticis, Claudius Fleury, ejusque Continuatores , Natali* Alexander, Laurentius Berti in Dissertationibus, et Breviario suo Historiae Ecclesiasticae, demum- que Gaspar Saccarelli.

Etiam ex iis, qui Augustanae, et Helveticae Confessioni addicti sunt, non defuerunt, qui ad scribendam Historiam Ecclesiasticam suum omnem conatum converterint. Matthias Flaccius Illyricus, e Proteslantibus omnium primus adjunctis sibi pluribus sociis, historiam Ecclesiasticam confecit

treCritica. Scriptor .Hist. Eccl. 5i