Alber, Joannis Nepomuk: Dissertationes in selecta argumenta historiae ecclesiasticae Tom.2. (Pestini, 1820) - 683b
56 DISSERTATIO XII. Liber Pontificalis continet vitas Romanorum Pontificum. Anastasio Bibliothecario fuit is quidem vulgo tributus, qui seculo nono vixit: cujus tamen non aliter potest haberi, quam quod hunc perpoliverit , et suis fortasse etiam additionibus instruxerit: siquidem hujus libri Pontificalis Mss. codices exstent Anastasio antiquiores. Gulielmus Cave in Sec. Ariano in Dafiiaso Papa , cujus nomine idem Pontificalis etiam inscribi solet, sed falso, ponit hujus ejusdem Pontificalis initium sub Alexandro Severo , qui factus Imperator est a. 222-et tredecim annis imperavit, cujusque compositor , quis incertum , Vitas Romanorum Pontificum a Petro usque ad Liberium descripserit in hoc Pontificali, quamque descriptionem alii post alios continuaverint. In hoc Pontificali memorantur decreta eadem, quae Isidorus habet in sua Collectione, iisdemque haec sunt tributa Pontificibus, quorum dicuntur esse etiam in Isidoria- na Colleetione. Quaedam tantum ex his referam. Huj us Pontificalis vetus Ms. continet duas Epistolas Decretales Anacleti, quas habet Isidoriana Collectio. Hoc Ms. Turrianus lib. 5« adv. Magdeburg. Cap. 20. perhibet sibi commodatum esse Romae ab Achille Statio Lusitano. Quod de Evaristo Isidoriana Collectio habet, Evaristum ad Episcopos Africanos scripsisse „In unaquaque civitate „juxta Apostolorum constituta septem debere esse „Diaconos, quiEpiscopum custodiant praedican- „tem„ eumque in finem ut testes possent esse de Evangelio ab eo incorrupte praedicato, idem existit iterum in Libro Pontificali de eodem Evaristo. Inter decreta Alexandri I. in Isidori Collectione est, Vtin oblatione Sacramentorum Christi passio commemoretur, deque sale, et aqua benedicenda. Haec rursus de Alexandro I. habet etiam Liber Pontificalis.
