Alber, Joannis Nepomuk: Dissertationes in selecta argumenta historiae ecclesiasticae Tom.2. (Pestini, 1820) - 683b
534 DISSERTATIO XVIII. essero cum SS. Patribus , Cypriano , Hieronymo, Optato Milevitano, Gregorio Nazianzeno , Joanne Chrysostomo , Ambrosio , Leone M. Gregorio M. et aliis, propterea inter cjuodecim Apostolos imum electum esse, ut capite constituto, super quo Ecclesia fundata est , schismatis tollatur occasio. Ideo Christum, cum suis Apostolis potestatem largiretur, ab uno, cui Primatum tribuit, coepisse, ut unam Ecclesiam, et unitatem Cathedrae , simulque unitatis originem demonstraret ; schismaticum esse , qui , ut ait Optatus, contra singularem cathedram aliam collocat , vel ab ejus communione per obedientiae negationem recedit} non habere Petri haereditatem , qui Petri Sedem impia divisione discerpit : siquidem ubi est Petrus, ibi est Ecclesia; Petrum Ecclesiae fundamenta, Apostolos, s«ibi ut capiti subordina- tos, in fidem suam recepisse ; eidem Petro, in quo Primatus excellenti gratia praeeminet , ipsorum etiam Apostolorum curam a Christo esse commissam, ipsum esse Os, et Principem Apostoliéi coelus. Assero, hunc Primatum, qui non ordinis, inspectionis, ac directionis tantum est, sed et verae auctoritatis, ac jurisdictionis: quia non minus, quam unitas ipsa, pro cujus conservatione, ac regimine institutus est, perpetuus esse ^ debebat, in Petri successores Romanos Pontifices, Sedemque Apostolicam, hujus unitatis centrum, et radicem jure divino transiisse, ut nulla ratione transferri a Romana ad aliam Sedem valeat. Ad hanc Ecclesiam propter potiorem principalitatem, id est, propter superemi* nentem ejus dignitatem, atque auctoritatem , uti ait S. Irenaeus , necesse esse omnem convenire Ecclesiam, hoc est, eos, qui sunt undique fideles } eam esse Caput Ecclesia-
