Alber, Joannis Nepomuk: Dissertationes in selecta argumenta historiae ecclesiasticae Tom.1. (Pestini, 1820) - 683a

4Q

i

DISSERTATIO II.

De Origine Sedium Patriarchalium, et Metropolitanarum.

§. i.

Post Romanam Ecclesiam Alexandrina , et Antiochena ceteras omnes Ecclesias antecesserunt dignitate. Provinciae , supra quas earum auctoritas se extenderit. Juxta dispositionem, quae obtinebat in Romano Imperio civilis gubernationis , ordinatae eliam Sedes Patriarehales, et Metropolitanae sunt.

Sedem Episcopalem urbis Romae ad Primatus dignitatem evectam esse per id, quod S. Petri Principis Apostolorum sedes fuerit, atque liujus in hac Sede successor sit Romanus Episcopus, intelligitur ex dissertatione antecedente. Post Romanum Episcopum proximum dignitatis locum tenuerunt Episcopi, Alexandrinus, et Antiochenus: quam eorum eminentiam jam Synodus Nicaena I. generalis Canone sexto agnovit fluxisse ex antiqua consvetudine, quamque suo decreto etiam confirmavit, et perdurare voluit.

Vi hujus suae dignitatis Episcopus Alexandrinus praesidebat Ecclesiis per universam Aegy' 4