Alber, Joannis Nepomuk: Dissertationes in selecta argumenta historiae ecclesiasticae Tom.1. (Pestini, 1820) - 683a

DE S, PfcTRI EPISCOPATV ROM.

iQ

nec , quia Episcopus soli parti Ecclesiae praeficitur , id, quod recte ab eo dictum esset, nisi huc i nvolvisset etiam Romanum Episcopum, quemadmodum a S. Cypriano quoque Epist. 55- ad Cornelium Pap. dictum est: „Singulis Pastoribus por- „tio gregis adscripta est,, idcirco ejus potestas haec non est veniens ab Apostolis in ipsum per successionem , quemadmodum non idcirco in jure regnandi differentia esse debet, inter reges duos, quod eorum alter locorum spatiis amplius, alter minus regnum obtineat. Sed et idem hoc refellitur etiam exemplo 'S. Jacobi, qui frater Domini in Evangelio vocatur. Hic namque, quamvis Apostolus fuerit , tamen testimonio Eusebii in Chronico , et Lib. 2- H. E. c. 1. S. Hieronymi de Script. Eccles. cap. 2- et S. Epipbanii haeres. 78- una fuit Episcopus Jerosolymitanus. Quod si ergo iste hoc Jerosolymae facere potuit, fixamque habere sedem muneris Episcopalis absque pugna inter hoc Episcopale, et Apostolatus sui munus, sineque laesione suae Apostolicae dignitatis, debuitne in Petro esse obstaculum, quo minus idem facere Romae potuerit ?

Sed neque ex eo, quod Petrus Romae, Jacobus Jerosolymis fixam habuerit sibi Episcopalem sedem, sequitur, ne, quamvis retinendo hanc Sedem, etiam aliorsum ad praedicandum Evangelium ire potuerint: quorum neuter, quamvis assumpta sibi certa sede, certoque in loco, dimiserit suum Apostolatum , vi cujus potestatem habebat Evan- gelii praedicandi ubicunque locorum in mundo. Ipse quoque Christus, quem Paulus Hebr. 3. v. Ii. vocat Apostolum, et Pontificem confessionis nostrae , cujusque fuit evangelizare per omnes civitates Judaeae Luc. 4* v. 43« tamen non eo minus in civitate Capharnaum domicilium sibi fixit. Matth* fi. v. 15.

0