Szaniszló Ferenc: Doctrina religionis christiano-catholicae quam in usum academicae juventutis. Tomus 1. Partem generalem complectens (Pestini, 1836) - 23.298
217 postolus inculcat: ne credamus omni spiritui, sed probemus spiritus, si ex Deo sint, utique sanae rationis usum non damnant sed exposcunt. b) In hoc capite rectura rationis usum in negotio revelationis evolvemus , et a triplici errore cavendum esse monebimus. Primus est eorum ; qui rationi in negotio revelationis nihil tribuunt, omnemque rationis usum in hoc puncto damnant. Alter error est eorum; qui revelationem et rationem inter se pugnare arbitrantur. Denique tertius error est eorum, qui eum faciunt rationis abusum , ut vel omnem revelationem rejiciant, vel in illa non aliud admittant, nisi quod ratione comprehendunt. b) Joan. V. 39, — 1 Thessal. V. 21. Rom. XH. 1 — 2 Joan. IV. 1. §. 129. Est autem Rationis magnus usus in revelatione probanda, illustranda, et defendenda. Magnus usus est Rationis in Revelatione probanda, illustranda, et defendenda. Ratio enim, quae religionis officium nobis promulgat, simul experitur, historia quoque'teste, se in integro verae religionis negotio perficiendo esse insuffi- cientenv, et Dei revelationem desiderat. Ratio conquirit argumenta, quibus revelationis possibilitatem et utilitatem, quin etiäm, certo sensu, necessitatem evincit. Ratione perlustramus historiam, et ex illa ostendimus: Revelationem humano generi reipsa factam esse; rationis usu exquirimus fontes, in quibus revelatio divinitus facta consignata habetur; ratione statuimus criteria , ope quorum datae revelationis divinam ori-
