Krammer Ferenc: Fragmentum quintum historico-dogmaticum de neoterica religionis et Ecclesiae catholicitate ... ex traditione originali (Posonii, 1825) - 23.280

nem ad praestandam, conservandamque eam cognitionem, reperiri sine dubio oportet. — Quid igitur, ut ad id a- ptum sit, requiris ? — sepone, quaeso, praeoccupationem, et dic, quid? — Equidem dubitari prudenter haud posse credo , requiri necessario, ut sit principium hoc simplex, immobile, nescium in varias partes flecti, sitque ad eum sensum duntaxat, ad quem conservandum Dei ordinatione pertinet, determinatum; •— ut nullo casu sensui, devio a veritate, praestet verisimilitudinem; — ut nunquam errori eum commodet habitum, qui homines , haud exercita- ios praesertim, ad errorem pro veritate habendum seu inclinet, seu impellat; •— ut denique illo praesente, nunquam periclitari veritas, ejusque manuductione absque difficultate veniri semper ab omnibus, studiosis veri, etiam ab indoctis , rudibus, et parvulis, in totius et purae veritatis Evangelicae cognitionem possit. — Rumina Revelationis finem, — tum, indolem extraordinariae provisionis, — et dic, an non? — Tale ne vero principium est scriptura? — Circumspice immensam multitudinem eorum, qui, sicut lupi ovium, induti vestimentis scripturae, errant! — qui genuinam scripturae vestem esse, qua profani sensus tecti sunt, adfirmant jure jurando ! Ita porro — Taceo innumerabiles copias eorum, qui, librorum sacrorum induti cortice, multo in persuadendis ex scriptura mendaciis, ac erroribus, quam alii in persuadenda sincera Evangelii veritate, feliciores sunt, flexibilitate scriptorum verborum, et adscito ingenii et eruditionis fuco, adjuvante seducentium pravitatem! —* Praetereo feroces, prope jam universales , ibi, ubi prora et puppis scriptura est, opinionum conflictus et pugnas, manifeste ad extinquendam funditus, — et quidem sub habitu, et praesidio scripturarum ipsarum, — omnem Christianae Religionis cognitionem, properantes! *

* Considera adversam hypothesim; intelliges , cognitionem Christianae Religionis , in extraordinaria Dei provisione intentam principaliter, pertinentemque ad ipsum provisionis hujus finem, relictam esse qua imparibus indoctorum ac rudium, qua infirmis et variantibus fallibilium quorumdam Magistrorum viribus; ad quid aptis? docet historia! — Tueri mordicus conservationem objectivae veritatis in originali et integritate, et pu-