Cherrier Miklós János: Institutiones Historiae Ecclesiasticae. Tom.3. (Pestini, 1841) - 21.951c
488 sem legitime fuisse convocatam , et esse generalem, potestatemque suam habere a Christo, cui quilibetcujuscunque status, vel dignitatis , etiam si papalis obedire teneatur, nec per ullum dissolvi, aut absque ejus consensu ullorsum transferri posse. In reliquis sessionibus causa quidem Bohemorum Hussitarum discussa est, exitiali tamen discordiae Pontificem inter et concilium adeo parum finis impositus, ut pctius usque ad 5. Februarii 1434. perduraret. Sessione 15. constitutiones de synodis dioecesanis quovis anno semel, aut bis celebrandis, de provincialibus vero synodis quovis triennio servandis publicabantur. Sess. 16. lecta praesente imperatore Eu genii adprobatio relate ad concilium expedita, ejusque, quam perficere volebat, dissolutionis revocatio. Sessione 17. legati Eugenii IV. nomine et loco ipsius ad concilium admissi, eisque praesidium concessum. Ceterum quia Eugenius IV. unionis inter Graecam et Latinam Ecclesiam restituendae gratia legatos Constantinopolim dimiserat, isque nnneiaret Graecos pristiuo proposito suo Constantino- poli concilium catenus celebrandi porro quoque inhaerere, synodus Basileensis, ne occasionem ipsos ad sinum Ecclesiae redeundi negligere videatur , alios legatos Constantinopolim deputavit, significaturos : Basileae universam Ecclesiam collectam esse , non Romae, proinde illuc ipsos confugere oportere, si unionem sincere desiderant, quod si fecerint reperturos etiam esse Sigismundnm Augustum patronum suum, qui ipsis subsidia contra Tureas suppeditare non renuit. Legationi huic is respondit effectus, ut Graecorum mox advolarent legati de synodo fine unionis tractaturi. Post longiores cousulationes in eo conventum, ut si Basiloa displiceret, alia quaecunque civitas Italiae, Hungáriáé, Austriae , aut Sabaudiae eligeretur, et Graecis triremes, necessariaeque expensae ad concilium resolverentur. Cunctis his Eugenius P. subscripsit. Plura interea decreta reformationis edita sunt de concubinatu clericorum,de excommunicato post pronuueiatam sententiam vitando, de appellatione bis non facienda; de abusuum iu cultu divino fieri solitorum abrogatione , de festis fatuorum , choreis, spectaculis, et nundinis in Ecclesia aut cemeterio minime tolerandis de annatis quibuscunque tollendis , de reservationibus beneficio-
