Cherrier Miklós János: Institutiones Historiae Ecclesiasticae. Tom.3. (Pestini, 1841) - 21.951c
489 Turn non faciendis. Praescripta fuit formula juxta quam Pontifex neo electus munus suum auspicetur, de electionibus canonicis juxta concilii mentem confirmandis. Porro concilium Pontificem obligavit, ut aulam suam reformaret, nullos cognatorum suorum usque ad tertium gradum inclusive duces, marehiones, comites , et gubernatores provinciarum , aut civitatum constitueret, nec Cardinales plures quam 24 nominaret. At spem quam de bono exitu harum consultationum concipiebant patres, mox nova dissensio interrupit. Nam postquam in sessione 24 legati Pontificis concilium in urbem aliquam Italicam speciatim Florentiam transferri petiissent, fine unionis Graecos inter et Latinos instaurandae, patres vero Basileenses hoc sine iujuria synodi fieri non posse asserentes Pontificem ad rationem facti sui reddendam evocassent, principes plerique quibus .unio Graecorum cordi erat, promulgatas deinceps a concilii patribus adversus Pontificem decisiones haud probarunt, imo a Sigismundo imperatore hucdum concilii fautore , ab Hispaniae rege , aliisque imperantibus protestatio contra concilium Basileense interposita est. Cum insuper Kugeniut IV. concilium hoc medio diplomatis Ferrariam transtulisset, et patres in sessione 25. de loco continuandi’ concilii dissentientes alii Florentiam aut Utinum, alii Basiieam aut Aveuionem eligerent cuuctorum negotiorum ulterior progressus adhaesit Synodus haec posdmodum duce Ludovico Cardinali ex solis fere minoris ordinis sacerdotibus congregata sessiones suas ad anui 1443. mensem Majum Basileae continuavit« et in sessione 26. plura crimina .Eugenio licet innocenti adseripta, in quorum nexu eum in faciem concilii intra 60 dies evocarunt. Ia subsequentibus sessionibus synodales Eugéniám IV. porro quoque insectati tandem eo devenerunt, ut eum pontificatu privatum declararent, et iu sessione 39. in separato quodam conclavi Amadeum Sabaudiae ducem vitam asceticam Ripaliae ducentem illius successorem nominarent, quem Felicem V. compellaruut. Demum in sessione 45. quae ultima dicitur, licet Lausannac quoque sessiones aliquae celebraretur, decretum tulerunt, concilium proximum generale Lugduni intra triennium convocandum esse. Fatis functo anno 1447. post varias calamitates Eugenio successit Nicolaus V.
