Cherrier Miklós János: Institutiones Historiae Ecclesiasticae. Tom.3. (Pestini, 1841) - 21.951c
476 equitum Templi tolleret, ideoque plura concilia particularia ad eundem finem tendentia hic et ibi celebrabantur, donec tandem anno 1310. Pontifex Concilium generale Viennam Galliarum indixisset, anno insequente celebrandum, Clemens V. Pontifex ipse adperuit concilium, cui interfuerunt Cardinales; duo Latini ritus Patriarchae Alexandrinus, et Antiochenus , et multi ecclesiarum antistites, quot tamen numero dissentientibus scriptoribus 17) decidi nequit. Causas celebrandi concilii Pontifex in convocationis diplomate, quod incipit: Regnans in coelis. Sequentes proposuit: ut quippe ordo Templariorum aboleatur, Fratricelli, Be- guardi, Beguinae etDulcinistae condemnentur, subsidium terrae sanctae ferendum decidatur, ac disciplina ecclesiastica emendetur. Licet veroPontifex in sessione prima ratione primi objecti omnibus concilii patribus communicaverit inquisitiones, et acta in negotio Templariorum finita, omnes tamen, tribus Archiepiscopis demtis , vindicias Templariorum audiendas esee censebauf. Non obstante eo, postquam Philippus Galliarum rex cum filiis et fratribus inultorumque praelatorum ac procerum comitatu Viennam anno 1313. advenisset, Pontifex consistorium Cardinalium, cui multi e concilii quoque patribus interfuerunt, servans, ordinem Templariorum abolendum proposuit, via tamen provisionis potius, quam condemnatione. Sententiam hanc Pontifex in secunda sessione ubi rex cum integro comitatu suo praesens erat proposuit, ac ulteriora de bonis ordinis, prout et de singulis Templariis decernenda assumserunt, nempe ut bonacorum equites S. Joan- nit Jerosolymitani occuparent, iis tamen exceptis, quae in Ca- stilia, Arragonia, et Lusitania sita erant, cum haec ad bellum contra Saracenos continuandam destinationem haberent. De personis porro Templariorum concilium decidit, ut eorum causas Synodi provinciales tractarent, et discuterent, exceptis iis, quorum examen solus Pontifex sibi reservavit. Circa modum vero causas Templariorum judicandi non parvam controversiam inter ipsos concilii patres suscitatam fuisse nullus mirabitur, cum alii exigerent, ut ordo ipse semet defendat, alii postularent, ut ordo de tantis criminibus incusatus illico aboleatur. Posteriores qui17) Juxta Guilielmi Naugii continuator, episcopi 114; juxta S. Antonin. in Citron. P. III. Iit, 11 c. 2. episcopi 300 fuisse narrantur.
