Cherrier Miklós János: Institutiones Historiae Ecclesiasticae. Tom.1. (Pestini, 1840) - 21.951a
VI insignia, gravia, ac utilia ex ampla rerum poeuu recenseam, quo sic et juvenius nostra ecclesiastica in vasto Historiarum pelago Palinurum quempiam nanciscatur, et opus etiam maturioris judicii lectoribus arrideat. Nam quemadmodum ex multis metallis, ait Clemens Alexandrinus, magnes unice ferrum adtrahit, ita ex multis lectoribus opus quodvis eos solum allicere solet, qui ejusdem intellectu laborant, ac tum nonuulla suapte supplere, tum Crisi subjicere queunt. In elucubratione mea charissimae patriae nostrae rerumque Ecclesiam, et Hierarchiám Hungáriáé attinentium, quantum fas, et jura sinunt, respectum nunquam non prae oculis tenui, ac unde vis aliquid attentione diguum evellere valebam, id in usum convertere studui, cura haec in plerisque auctoribus praesertim extraneis desiderari compererim. Fontes Historiae Ecclesiasticae per mein decursu operis citatos omnes adivi non secus ac auctores, quantum ad rem spectabat, ferme cunctos legi, aut inspexi, ac cum citationibus meis contuli. Quo in molimine exequendo non solum veterum, et mediorum, sed et recentissimi aevi Scriptorum usum uberrimum feci; nam ex iis sum, qui miror antiquos non tamen ut quidam nostrorum temporum ingenia despicio: neque enim quasi lassa, et effoeta natura nihil jam laudabile parit *). *) Yliniut Libr. VI. Epist. 21.
