Cherrier Miklós János: Institutiones Historiae Ecclesiasticae. Tom.1. (Pestini, 1840) - 21.951a
V matis plane illustrat. Quis nescit? eam Theologiae Dogmaticae maximum usum praestare, dum iocunabula dogmatum e Scriptura, aut Traditione divina deducit, ac quid semper, ubique, et ab omnibus creditum sit *) explanat, seu dogmata ipsa recenset, haeresum natales, et causas detegit. Quis pegabit? Historiam Ecclesiasticam egregie praelucere Theologiae Morali, et Pastorali, dum praeclara pastorum Ecclesiae, in regendis, et instituendis fidelibus, in moribus emendandis exempla ob oculos ponit, ac luce meridiana clarius illustrat quibusnam mediis, et adminiculis virtutem promoverint, aut instauraverint, ipsa vero vitia radicitus exstirpaverint , ac ulterius serpenti malo valida repagula posuerint. Quis denique non agnoscet? eam Juri Canonico praebere usum, dum regimen Ecclesiae, ac Spiritum legum depingit, conciliorumque mentem, ac scopum evok vit, dum Juris tam veteris, quam novi originem, fata, et indolem delineat. Hoc ipsum jam Melchior Canus confirmavit dicendo: Non Theologos solum sed neminem satis eruditum videri, qui rerum olim gestarum ignorantia laborat. **) Nullus tamen plenam, et omnibus minoris momenti adjunctis vestitam Religionis, et Ecclesiae Christianae Historiam expectet, cum eo solum tendam, ut facta, et momenta, quantum possibile est, liquida, publica, *) Vincent. Lirin. in Cotnmonitor. et S. Augustin, libr. de baptism. contra Donatist. C. 26. Melchior Canus dc locis Theol. libr, XI. C. 2,
