Cherrier Miklós János: Institutiones Historiae Ecclesiasticae. Tom.1. (Pestini, 1840) - 21.951a
J 'jt /V §• 5* Utilitas. Dotibus suis instructa Historia Ecclesiastica cuivis mortalium utilis evadit; nam 1) singulare Dei institutum, quod reparandae saluti hominum necessarium erat, evolvit, ob oculos nempe ponit, qua ratione sacra Veteris Foederis oeconomia per Jesum Christum.consummata, quomodo vaticinia Prophetarum in eo, et in novo ejus regno, uti de dispergendis Judaeis, et gentibus ad fidem vocandis, de sacrificio ubique olferendo, de apostolis spiritu sancto illuminandis etc. effectu comprobata sint, et qua demum ratione Religio, et Ecclesia Christiana illum, in quo nunc viget, statum attigerit. 3) Sapientiae et providentiae divinae documenta in fundanda, «regenda, et sustentanda diversis in statibus Ecclesia oculis subjicit. Quanta et quot a fundata Ecclesia Christiana imperia, aut regna deleta! Ecclesia vero stat l8 seculis in medio eversorum imperiorum, et regnorum, durantibus crudelissimis persecutionibus, barbararum gentium migrationibus, et armorum tumultibus; Ecclesia ait <9. Ambrosius , tunditur saecularium curarum fluctibus , sed non subruitur, caeditur sed non labefactatur— spectat aliorum naufragia ipsa immunis , et exsors periculi — parata sem- per, donec illucescat sibi Christus, sibique ejus illuminatio- ne jucunditatem acquirat 5). Et profecto Ecclesia non obstantibus cunctis tempestatibus hodiedum persistit salva, et hostibus suis superstes, nihilque aliud omnes ejus adversitates praestitere, quam quod novis tropaeis eam ornaverint. Quae dum Historia Ecclesiastica depingit, ac invictam firmitatem Ecclesiae probat, firmissimum pro divina ejus origine, et protectione argumentum praebet. 3) argumenta pro-pouit, quae nobis veritatem, et divinitatem Religionis Christianae evincunt, seu nobis sanctitatem doctrinae Christi, miracula , prophetias , admirandam Religionis Christianae inter carceres, vincula, arma, rogos, propagationem , et hominum in ea conservanda ferream constantiam ostendit. Et alioquin universa Religio revelata factis histo5) S. Ambrosius do Abraham lib. 2. C. 3.
