Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880

stica iis, <{i!Í curam animarum, quae merito ars artium appellatur, suscipiunt, perfectissima exhibet sanctissimorum Pastorum exempla , quae intueantur et sequantur. Juxta haec omnem altitudinem in humilitate, omnem quaestum in lucris animarum, omnes divitias in contemptu divitiarum , in Evangelica paupertate , in solis et veris animi opibus collocare discent. Imo ope Historiae Ecclesiasticae ex ipso adeo errore et lapsu alieno, nunc sibi utili, sapientiores fient.

Ad Jus Ecclesiasticum :

1) Generatim , dum Historia Ecclesiastica de Hierarchia, Disciplina, Societatibus Religiosis, et Conciliis agit.

2) Dum Juris veteris, novi, et novissimi originem, antiquarum legum Ecclesiasticarum authentiam, et varias earum collectiones ob oculos ponit.

3) Dum Legum Ecclesiasticarum rationes explicat; si ex Historia Ecclesiastica cognitum habeamus, quid certae legi Ecclesiasticae occasionem dederit, mentem Ecclesiae, ac proinde etiam spiritum legis facile perspiciemus, nec veterem disciplinam , utpote ex adjunctis aevi pensatam , reprehendemus.

4) Dum docet, quaenam leges Ecclesiasticae cessaverint, et quaenam actu vigeant.

5) Dum mutuam Ecclesiae et reipublicae independentiam, sacrae et civili« potestatis jura et nexum , Concordata cum summis terrae Principibus, Cleri privilegia et alia idgenus ex antiquitate probat, et vindicat.

6) Ex ignorantia Historiae Ecclesiasticae plures olim errores in Jus Ecclesiasticum irrepserunt, sic quaedam ex jure divino derivabantur, quae tantum juris humani sunt, uti