Frank Ignác: Specimen elaborandarum institutionum juris civilis Hungarici continens: I. Praecognita II. Doctrinam de donatione regia (Cassoviae, 1823) - 10.393
...... 83 ...... tarius ita spectari debet, tamquam cessionarius Fisci R.; etipsa impetratio tamquam initium litis contra possessorem suscitandae. Ob eam rationem in literis donationis distincte semper titulus ille exprimitur, per quem bona collata jurisdictioni S. Coronae obnoxia esse censeantur. Atque ita titulus impetrationis est titulus, id est fundamentum, actionis, quam donatarius possessori intentat. 2. Inde vero magni momenti consectarium illud promanat, quod impetrans ex ea praecise causa, quam titulus impetrationis exprimit, litem prosequi, itaque assumtum devolutionis titulum perfecte probare, debeat. Quod si non successerit, impetratio ipsa necessario corruit, evanescitque ; etiamsi jus possessoris forsitan infirmum sit, et jus regium, bonis ipsius inhaerens, ex alio fundamento, e. g. alterius familiae vel personae defectu, aut nota, demonstrari posset. Ad alium enim titulum, quam quo impetratio facta est, donatario recurrere non licet; quia titulus actionis mutari nequit, stricteque servatur principium illud ; actio regulat judicem et partes. 3. Ea ratio est, quod plures tituli utiliter conjungantur. Nominatim explicitis titulis defectus vel notae utiliter adnectitur titulus juris regii. Nam in hoc casu, licet principalis titulus eversus fuerit, poterit tamen donatarius, vi adnexi juris regii, ad alium titulum transire, eoque comprobato, triumphare a). 1 e) Trip. I, 26.
