Frank Ignác: Specimen elaborandarum institutionum juris civilis Hungarici continens: I. Praecognita II. Doctrinam de donatione regia (Cassoviae, 1823) - 10.393
...... 6 i ....... militudo exulat, vel certe analogiae nulla vis tribui potest 4, Praecipue autem analogicam extensionem excludunt: 1) privilegia, et omnes exceptiones a jure communi; quia exceptio in omnibus casibus non exceptis regulam generalem firmat. 2) Leges poenales, et omnes restrictiones naturalis libertatis; quia in hoc ipso libertas, et securitas civilis consistit, ut liceat, quidquid lege non prohibetur. Et hoc sensu illa quoque paroemia intelligenda est: Favores (scii, legum) ampliandi, odia restringenda sunt. §• 32. De duratione legis. Vis legis exstinguitur: 1) per contrariam legem postea latam; 2) temporaria lex cessat per conditiones, quibus adstricta erat; 3) cessante objecto legis cessat utique lex ipsa. 1. Sublatio legis abrogatio dicitur; derogatio vero exceptionem significat; et obrogatio contrariam legem; subrogatio denique adjectionem postea factam. 2. Clausula perpetuae sanctionis, qualis in decreto a. i486 occurrit, abrogationi, aliis- ve mutationibus legis nihil obstat; quia potestas legum ferendarum in civitate suprema, et semper aequalis est. 3. Caeterum lex posterior tunc solum priori derogat , quando utraque simul conciliari nequit. In dubio vero interpres exceptionem ponit, salva regula generali. 4. An, et quatenus consuetudo legibus derogare possit, infra dicetur.
