Frank Ignác: Specimen elaborandarum institutionum juris civilis Hungarici continens: I. Praecognita II. Doctrinam de donatione regia (Cassoviae, 1823) - 10.393
...... 6o ...... modum justae argumentationis , aliae , desideratae , normae derivari possunt, Et quia omnis legitima conclusio in praemissis implicite continetur; manifestum est, regulas sic inventas non minus auctoritatis habere , quam si explicatis legum propositionibus munirentur. Aliae normae ex ipsa negotii substrati natura proveniunt, et eo ipso, tamquam naturale jus, defectum scriptae legis optime supplent. Pleraeque decisiones curiales, in Plano contentae , hac ratione factae sunt. Per se autem intelligitur, ejusmodi ivóiWív, et adplicationem generalium principiorum ab extensione legis adhuc distare , et intra limites strictae interpretationis contineri. 3. Vera autem extensio fit per analogiam, sive ab simili, sive ab contrario argumentum ducatur. In eo quippe analogia consistit, quod a speciali casu , legibus expresso , regula generalis trahatur, et ex hac rursum speciales aliae normae, qualibus opus est, per modum ratiocinationis, deriventur, juxta illud proverbium: Ubi eadem íatio, eadem est etiam legis dispositio. Sed in adplicatione hujus regulae tanto majore cautione uti oportet, quanto certius est, analogiam ultra sententiam legis evagari, et limites verae interpretationis relinquere. Neque rationes secundariae vel arcanae, neque rationes extrinsecae vel eae, quae vanis opinionibus innituntur, justum extensionis fundamentum constituunt. Et quod contra rationem naturalis juris receptum est, id nunquam ad consequentias producere licet. Itaque ad similia vel contraria nonfsecus argu« mentum valet, quam si naturalis justitiae, vel publicae salutis manifesta ratio consentiat. Quodsi autem vel ratio legis proposito casui non conveniat, vel ratio ipsa incerta sit, aut vana; tum profecto vera si-
