Frank Ignác: Specimen elaborandarum institutionum juris civilis Hungarici continens: I. Praecognita II. Doctrinam de donatione regia (Cassoviae, 1823) - 10.393
...... i r ...... aequalitas, i. e. lucri, damnive proportio, servetur, in hoc aequitas consistit. Sed ab hac naturali aequitate (privatorum) distinguere oportet aequitatem tum judicis, tum legum ipsarum. h. Politica docet, quid utile sit, et quomodo idem effici queat? Libertatem ergo limitibus non circumscribit; sed, intra limites juris, honestatis, aequitatis, actiones humanas ad utilitatem publicam, pri- vatamque instruit; libertatem ipsam regit, erudit, et quasi manu ducit. Unde discrimen inter Jus, et Politicam satis elucescit. i. Caeterum ab ea quaestione: quid juris vocabulum denotet? distincta est alia, quid justum aut injustum sit? Prior plene absolvitur definitione; posterior universam Jurisprudentiam occipat. S- 2. De Jure positivo. Ut jure, non vi, hominum inter se negotia regantur, opus est imperio et legibus civilibus. Ea origo est juris civilis s. positivi, et institutorum judicialium. 1. Nihilominus res ipsa loquitur, limites justi non ab opinione, scitisque populorum pendere, sed naturae norma circumscribi. Inde nobilis Thilosophiae pars existit, quae in explicanda, demonstrandaque natura juris versatur; vulgo Jus Naturae dicunt; determinatius autem Philosophia Juris diceretur (non confundenda cum Philosophia legum, fe- darum , vel latarum). 2. Jam diversarum gentium jura civilia discrepare inter se, ipsaque temporum successu et impulsu varie
