Mollik Tóbiás: Dissertatio de divina auctoritate deutero-canonicorum utriusque testamenti librorum ac partium (Jaurini (Győr), 1819) - 10.189
fieri. Hoc minus poterat fieri post rescissionem decem tribuum a Juda et Benjamin : et postquam instante captivitate Babylonica ingens Judaeorum multitudo demigravit in iEgyptum: ac subinde quoque diversis in regionibus refugium quaesivit a Palaestinae cladibus saepe repetitis : omnesque in plagas Mosaicos Libros secum detulit. Universali igitur intrusioni genealogiarum et sermonum ac cuicunque demum studiosae textus Mosaici mutationi idoneum motívum, tempus locusque assignari nequit, praeterquam injuste depressa populi hebraei erga sacerrimos sibi Moysis Libros religione. Ejusmodi praetensione usos fuisse jam saeculo 2. haereticos , passimque contendisse legimus, hoc vel illud inportuno stare loco, adeo- que hoc intrusum y illud afjutumy istud mutilum vel corruptum esse. Si liceat universalem ac studio factam in S. Codicibus interpolationem ac mutationem obtendere; lata patet haeresibus porta ad illorum tribunal evadendum, eludendum. Neque eatenus fovetur plena erga S. Litterarum sententias fides ac reverentia etiam Dent. 4* 2. praecepta. 536. Qui suspicantur, Mosaici textus mutationes contigisse , dum priscis characteribus novi fuere subrogati , falluntur in utroque. Etenim memorata paulisper Pentateuchi exemplaria, a Sacerdotibus admi- nus et Levitis accurate ac frequenter e Legis praescripto describenda, et in cunctis Palaestinae angulis populo praelegenda, quis dubitat Mosaicis primum exarata fuisse characteribus ? Caeperunt enim scribi vivente adhuc Moyse, continuoque post obitum ipsius Exemplaria illa velut primitiva, ex ipso autographo desumta et authentica, principali apud omnes in honore erant, sollicite conservabantur, atque a patribus ad filios filiorum, tamquam piissima et pretiosissima haereditas transmittebantur. Ipsi quoque Mosaici characteres , utpote Digito Dei in Legis Tabulis exarati, et intra Domini Arcam, tum in autographo Moysis, tum in Legis tabulis e praecepto Domini summa cum veneratione conservandi, nunquam facti sunt hebraeo populo adeo viles, ut uni-
