Bajzik János Keresztély: Compendium Corporis Juris Canonici, exhibens summam canonum, constitutionum, et decretorum modernis temporum circumstantiis accomodatam (Pestini, 1836) - 10.057

( ** )

Si qui parentes fidem fregerint sponsaliorum, triennii tempore abstineant se a communione. Can. 1. Caus. 31. Quaest. 3.

Sicut crudelis est, et iniquus, qui castam dimittit, sic fatuus est, et iniustus, qui retinet meretricem. Nam patronus est turpitudinis eius, qui crimen celat uxoris. Can. 1. Caus. 32. Qu. 1.

Si se (uxor) fornicatione separaverit a marito, non debet teneri, ne virum quoque sub maledicto faciat. — Ubicunque est igitur fornicatio, vel fornicationis suspicio, libere uxor dimittitur. Can. 2. Caus. 32. Quaest. 1.

Mulier si vult, nubat, tantum in Domino: ut e- lectionem mariti parentibus deferat, ne appetentiae procacioris existimetur auctor, si ipsa de nuptiis suis electionem sibi vendicet. Expetita enim magis debet videri a viro, quam virum ipsa expetisse. Verecundiam praemittat, antequam nubat. Can. 13. Caus. 32. Qu. 2.

Quodsi nubere elegerint, illis nubant, quos propria voluntate (elegerint) voluerint habere maritos, nec extra voluntatem suam cogantur maritos accipere. Can. 16. Caus. 32. Quaest. 2.

Nec hoc solum est adulterium, cum aliena peccare conjuge, sed omne, quod non habet potestatem coniugii. Can. 4. Caus. 32. Quaest. 4.

Undecunque nascantur homines, si parentum vitia non sectentur, et Deum recte colant, honesti , et salvi erunt. Can. 8. Caus. 32. Qu. 4.

Filii ex libero, et ancilla, servilis conditionis sunt. Semper enim qui nascitur, deteriorem partem sumit. Hi vero, qui non sunt ex legitimo Matrimonio, matrem potius, quam patrem sequuntur. Can. 15. Caus. 32. Qu. 4.