Bajzik János Keresztély: Compendium Corporis Juris Canonici, exhibens summam canonum, constitutionum, et decretorum modernis temporum circumstantiis accomodatam (Pestini, 1836) - 10.057

cias. impia enim est promissio, quae scelere adimpletur. Can. 5. Caus. 22. Quaest. 4.

Non debet aliquis verba considerare, sed voluntatem, et intentionem: quia non debet intentio verbis deservire, sed verba intentioni. Can. 11. Caus. 22. Quaest. 5.

Parvuli, qui sine rationali aetate sunt, non cogantur iurare. Can. 14. Caus. 22. Quaest. 5.

Pueri ante annos quatuordecim non cogantur iurare ; — et si puella nesciente Patre se iura- mento constrinxerit, et Pater ut audierit, statim contradixerit, vota eius, et iuramenta irrita erunt, et facilius emendabitur. Can. 15. Caus. 22. Quaest. 5.

Et qui semel periuratus fuerit, nec testis sit post hoc, nec ad Sacramentum accedat, nec in sua causa vel alterius iurator existat. Can. 14. Caus. 22. Quaest. 5.

Qui non repellit iniuriam a socio, dum potest, tam est in vitio, quam ille qui facit. Can. 7. Caus. 23. Quaest 3.

Qui potest obviare, et perturbare perversos, et non facit, nihil aliud est, quam favere eorum impietati. Non enim caret scrupulo societatis occultae, qui manifesto facinori desinit obviare. Can. 8, Caus. 23. Quaest. 3.

Qui desinit obviare cum potest, consentit. Can. 11. Caus. 23. Quaest. 3.

Tolerandi sunt quidem mali pro pace, nec corporaliter ab eis recedatur, sed spiritualiter exigere est facere, quod perlinet ad correctionem malorum. Can. l. Caus. 23. Quaest. 4.

Si quis potestatem non habet, quem, scit reum, abiicere, aut probare non valet, immunis est: et indicis non est sine accusatore damnare,

C eo )