Hittudományi Folyóirat 15. (1904)
Dr. Huszár Elemér: A visitatio liminum
742 DK. HÚSZAK ELEMÉR. Budensem et Posoniensem hortensem multorum millium profusione necessariis usibus aptavi. In Basilicam novam Metropolitanam in arce Strigoniensi erigendam, hactenus 1,200.000 florenorum, huc imputatis nonnullis per Clerum et populum collatis subsidiis monetae nostrae impendi. Ecclesiam parochialem Hereghiensem a fundamentis exci- tavi, nonnullas ad dominium Archiepiscopale et Patronatum pertinentes, prout et aedes parochiales complures restauravi. Scholam trivialem amplam Strigonii erexi, eiusque docen- tes non secus ac scholae vernaculae Tyrnaviensis congrua dote providi. — Claustrum olim Franciscanorum in civitate Archiepiscopali Strigoniensi abolitum, atque in fundum Beligionis devolutum ac proinde in profanos usus conver- sum, duodecim mille florenis redemi, atque illi, in Presby- terium erecto, et ad novos usus adoptato, alumnos dioecesis Strigoniensis illocavi, ut absolutis praevie in Seminariis theologicis studiis, sub disciplina idoneorum Superiorum, meaque superinspectione, unius anni decursu ad curam animarum, et alia ecclesiastica munia practice instituantur, certamque faciant suam vocationem et electionem, antequam sacris ordinibus et sublimi suae vocationi admoveantur. Duo saluberrima instituta, nempe Anglicanarum Virginum Pestini, et Canonissarum de Nostra Domina Posonii, quae educandae iuventuti sexus sequioris insignem navant ope- ram, praeteritorum temporum iniquitate, prope ad incitas redacta, non tantum aere alieno quo gravabantur multorum millium florenorum expuncto, sed assignata etiam de mea mensa notabili dote, ab intentu vindicavi. Haec publica sunt atque in omnium oculis posita, ea quae sinistra nescire debet, quid dextra fecerit, Ei qui videt in abscondito, propitio ac sereno vultu assummenda relinquo. § III. De Clero Saeculari. Canonici Ecclesiae Metropolitanae Strigoniensis non secus ac insignis Collegiatae Ecclesiae Posoniensis, non tantum Choro iugiter intersunt, sed ad exemplum omnium Hungáriáé, imo forte totius Catholici Orbis Ecclesiarum
