Circulares litterae dioecesanae anno 1939. ad clerum archidioecesis strigoniensis dimissae
IX.
Nr. 5673. Visitatio parochiarum Sedi Archiepi- scopali Nostrae restitutarum indicitur. Ante sex annos visitationem canonicam generalem parochiarum tunc temporis ditioni Nostrae submissarum haud parco cum fructu peragi curavimus. Eadem necessitas autem, quae ad istam visitationem Nos tunc impulsit, nunc visitationem in parochiis Sedi Archi- episcopali Nostrae nuper restitutis commendat, ut canonum scilicet salubribus mandatis satisfiat et in peculiari: ut notitiam exactiorem de statu morali et materiali istarum parochiarum Nobis acquirere possimus. Valde utile sane esset, si in persona talem visitationem peragere possemus. Sed tam multifariae occupationes in regimine archi- dioecesis necnon in variis consiliis regnicola- ribus obvenientes Nos in hoc proposito Nostro exsequendo impediunt, quare nixi facultate, quam canon 343 episcopis legitime impeditis concedit, ill.-mos ac rev.-mos Archi- diaconos Nostros emittimus, ut territorium, cuius vigilia et inspectio ad unumquemque eorum spectat, perlustrent, et relationem Nobis de exitu visitationis praestent, necnon opportuna consilia de remediis contra defectus quoscumque proponant. Imo etiam facultatem eis his impertimur, ut Auctoritate Nostra in ipso actu visitationis pro iudicio suo vitia corrigant, negligentes moneant, defi- cientesque corripiant. Volumus autem, ut visitatio hisce demandata sine mora introducatur et ante finem anni currentis perficiatur. Singuli curiones ecclesiarum folia interrogatoria in duobus exemplaribus percipient e cancellaria Nostra emittenda, in quibus responsa sua sub conscientiae dictamine inscribant et pro adventu visitatoris parata habeant. Visitatores autem adventum suum parochis debito tempore annuntient. Ex foliis interrogatoriis alterum in archivo parochiali servandum erit, alterum autem, diligenter antea a Nobis perlustrandum, in archivo archidioecesano deponetur. Dum autem haec decernimus, Deum rogamus tum pro visitatoribus gratia Sua illuminandis et ducendis, tum pro visitandis dono sacrae oboedientiae ornandis. Strigonii, die 10. Augusti 1939. Iam pridem multisque ex partibus supplices ad Sanctam Sedem libelli pervenerunt, per quos postulabatur ut qui Apostolica Benedictione a Summo Pontifice Urbi et Orbi sollemnibus occasionibus impertita una cum plenissima admissorum venia praesentes frui nequirent, possent tamen plenariam Indulgentiam adipisci, si ope radiophonica eandem Benedictionem pia devotaque mente acciperent. Iamvero, re mature studioseque perpensa, infrascriptus Cardinalis Paenitentiarius Maior, in Audientia die 10 currentis mensis et anni habita, causam eiusmodi Beatissimo Patri decernendam proposuit. Augustus Pontifex vero, relatione audita ab eodem Cardinali facta, ac valde percupiens ut ea, quae progrediens aetas per humanarum disciplinarum studia invexerit, saluti animarum procurandae inserviant, decernere ac statuere dignatus est, ut cum praesentes tum ii qui quovis spatio absentes, ope tamen radiophonica, Benedictionem a Summo Pontifice Urbi et Orbi impertitam pie dcvoteque accipiant, plenariam Indulgentiam, suetis conditionibus, lucrari possint. Mandavit autem Sanctitas Sua ut praesens Decretum publici iuris fieret. Contrariis quibuslibet non obstantibus, peculiari etiam mentione dignis. Datum Bomae, ex aedibus S. Paeniten- tiariae, die 15. Junii 1939. L. Card. Lauri, Paenitentiarius Maior. 5’. Luzio, Regens. (A. A. S. 1939. 15. Julii.) Strigonii, die 17. Augusti 1939. Nr. 5671. Decretum S. Poeni- tentiariae de benedictione papali ope radiophonica accepta. 9
