Circulares literae dioecesanae anno 1917. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
I.
Nr. 122. Archieppus ad Clerum in capite novi anni. CIRCULARES ÜIOECESANAE. I. Venerabiles Fratres et í ilii in Christo Dilectissimi ! Renascentibus annorum vice temporibus renati in nobis renovatique respondeant oportet sensus atque affectus. Uti redeuntis primordia veris novum sopitae hiemali somno naturae infundunt vigorem novaque statim producunt fructuum germina: simili ratione nova occipientis nunc anni laborumque eiusdem decursu suscipiendorum series novum nobis necesse est inspiret zeli sacerdotalis fervorem ad novumque nos impellat hauriendae gratiae supernaturalis succum. Aliis temporibus, quum placido annorum vices semet invicem excipiebant cursu, haec sacri zeli innovatio quasi reditus erat ad priorem, relaxatum aliquatenus temporis tractu fervorem. Sed nunc VV. FF. cum pene totus tertio jam anno bellicis tormentis contremiscit orbis, cum summa aetheris aeque ac infima quatiuntur pelagi, cum compago regnorum non secus ac avitorum solvuntur vincula juri um, cum e collabentibus totius vitae hucusque consuetae formis, novus rerum exoritur ordo ac novae ubique emergunt hominum ad invicem necessitudines, exigentiae: nostrum est curare, ut super hoc abysso renascen- tis inter acerbos dolores orbis spiritus Domini feratur.1 Maximo sane solatio no1 Gen. 1, 2. bis fuerunt solemnitates coronationis serenissimorum Regis et Reginae, in quibus utplurimum aedificabamur infucata augustissimorum pietate, firmissima spe freti, immo intime persuasi, fore ut redimitus corona Sti Protoregis nostri corona rex, optimus pater populi sit futurus; qui in novo post bellum ordine ita nova faciet omnia,1 ut et antiqua solidaque fundamenta serventur et vulneribus a bello inflictis conveniens medicina paretur. Et prout semper, ita etiam nunc immo magis nunc gravissimae nobis incumbunt obligationes, ita ducendi ac docendi populum fidelem curae nostrae commissum, ut in gravissimis belli diebus impavidus persistat et cessante belli tempestate opus restaurationis magno animo occipiat. Quodsi enim ad omnes Christo lucrifaciendos omnibus omnia fieri ab apostolo jubemur,2 sane ad consolandas ac salvandas jactatas inter novos vitae fluctus animas novus prompti ad sacrificia spiritus requiritur ardor novaeque laboris hucusque inconsueti addiscendae sunt formae. Hoc certe laudis a nemine historiae perito sanctae matri denegabitur ecclesiae, quod quamvis unum idem semper ac immutabile vitae supernaturalis habeat elementum, communicatum ipsi 1 Apoc. 21, 5. 2 I. Cor. 9, 19. LAUDETUR JESUS CHRISTUS! I 1