Circulares literae dioecesanae anno 1916. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
XI.
113 Nr. 3084. Decretum S. C. S. Off. de absolutione. sepultura etc. schismaticorum. XL In Circularibus Dioec. Litteris a. 1914. sub Nr. 5676. publicavi decretum S. C. O. die 20-a Junii 1898. latum, agens de absolutione sacramentali schismaticorum. Eadem S. Congregatio nunc occasione immanis belli denuo occupabatur hac et similibus quaestionibus desuperque novum edidit decretum mecum via Nuntiaturae apostolicae communicatum, quod in sequentibus publico: Emmo ac Rmrao Domino Domino Cardinali Joanni Csernoch Archiepiscopo Strigoniensi, Hungáriáé Principi Primati Grran. Nr. 4718. Vienna, die XV. Junii 1916. Emme ac Rme Domine mi Obsme, Cum, occasione immanis belli nunc temporis Europam vastantis, nonnulla Sanctae Sedi proposita fuerint dubia praesertim circa religiosam adsistentiam militibus schismaticis, Suprema S. C. S. Officii, omnibus mature perpensis, die XVII. Maii a. c., sequentes edidit resolutiones: I. An schismaticis materialibus in mortis articulo constitutis bona fide sive absolutionem sive extremam unctionem petentibus, ea sacramenta conferri possint sine abjuratione errorum; Resp.: Negative, sed requiri ut quo meliori fieri potest modo, errores reiiciant et professionem fidei faciant. II. An schismaticis in mortis articulo sensibus destitutis absolutio et extrema unctio conferri possit; Resp.: Sub conditione affirmative, praesertim si ex adjunctis coniicere liceat eos implicite saltem errores suos reiicere, remoto tamen efficaciter scandalo, manifestando scilicet ad stantibus Ecclesiam supponere eos in ultimo momento ad unitatem rediisse. III. Quoad sepulturam ecclesiasticam, standum Rituali Romano. IV. Quoad baptismum infantium a parentibus schismaticis oblatorum: non esse baptizandos, extra mortis periculum, nisi probabilis affulgeat spes catholicae eorum educationis. Quibus, pro meo munere, cum Eminentia Tua communicatis, pro Sua norma et scientia, manus humillime Eius deosculatus, maxima veneratione permanere gaudeo Eminentiae Tuae Rmae Humillimus, addictissimus servus verus R. Card. Scapinelli, Pronuntius Aplicus. 17
